2008/04/18

حب * فراق


اخفض رأسه عندما رأها تنظر اليه رأت منه ذلك مرات ومرات فأحست به جزءا منها وأحبته كلما رأته وجدته يحدق بها وتنخفض رأسه اذا رأها تنظر اليه ومع مرور الايام زاد تعلقها به ولم تعد تستطيع مقاومة النظر اليه

وحاولت ان تتحدث اليه مرات كثيره لكنها لم تستطع من شدة حياءه

الى انا حدثت المفارقه وتكلموا كثيرا وفقدوا احساسهم بالوقت واصبحوا جزأ واحدا روحا واحده بل وأكثر من ذلك

و جاء اليوم التى عرفت فيه انها لم تحبه قط وانما احبت نظرته الى الارض كلما نظرت اليه.

6 comments:

only spot said...

سلام عليكم
كلام جامد واحاسيس رائعه جدا
بس المفروض العكس ان النظره دى تكون من نصيبها لان عامة المراه سر سحرها وجمالها هو نظره الحياء والنظر الى الارض لكن تعرف النظره دى فى حد ذاتها سحر سواء من الولد او البنت عموما
خالص تحياتى لكلماتك الرقيقه

Raghda Rashad رغده رشاد said...

الموقف ده عرفته ازاى؟ عرفت البنت بتفكر كدا ازاى؟

لان هوا ده فعلا اللى بيحصل

نظرته بتخليها تتعلق بيه...لانها محتاجة اهتمام...و النظرة دى بالنسبالها اهتمام...لدرجة انها ممكن تدور الحد ده فين عشان تقف بعيد و تشوفه و هوا بيبصلها...و عنيه تجرى بعيد اول ما يكتشف انها خدت بالها...بحس ان الولاد بيعتبروها ضعف انها تاخد بالها من اهتمامه...بس فعلا بتحصل كتيييييييييييييير

lolla said...

جميل يا ممدوح .. قصدى محمود

بس لو اتعكست تبقى احلى
ولو ان ف الزمن ده كل الحاجات معكوسة

بس على العموم تيجى منها او منه ... هو احساس رقيق وخلاص


احيانا الشخص لما بيفكر بقلبه .. ياخده السحر لبعييييد

لكن لما ينزل لأرض الواقع ويفكر بعقله
الامور تختلف كتيييييير

ولكن يا ترى مين الاقوى .. مين اللى عنده حق .. القلب ولا العقل؟؟
معادله صعبة

سهر الليالى said...

ياااااااااااه
بصراحه مش عارفة اقول ايه
رائع .. لا هو اكتر من رائع

بجد قصة احساسها عالى اوى واقعية جدا حسيتها اوى

تخيل انى كنت بقول لواحدة نفس الكلام دة النهاردة
غريب اوى الحب دة تصدق
كتير منا بيتخيل انو بيحب وممكن يكتشف انو كان رغبة فى حاجة معينة
لكن الحب الحقيقى الحقيقى دة غريب جدا لانو حاجة ملهاش تفسير إلا من عند ربنا

بحيك بجد على البوست اللى امتعنى

Empress appy said...

يااااا هو ده نهايه ما يسمى بالحب
بس ده مش حب يا دوح
ده اعجاب بشئ
بس تعالى هنا انت ليه مش باين عليك الكلام الكبير ده يا نهار تحت اللى مش عارفه ايه ايه
بجد حلوة قوى

سعيد انحراف said...

البتاعة دي اوحتلي بفكرة قصة جامدة

نايس يا دوح بيه
نايس قوي