التزوير افيون الحكومة
هل اصبح التزوير سمة الحكومة المصرية
انتخابات المحليات
كما قالت الاستاذة فريدة النقاش فى برنامج العاشرة مساء فضيحة
الحزب الوطنى حاصل على 44 الف كرسى بالتزكية من اصل 53 الف
يعنى الانتخابات كلها على 9 الاف كرسى وبرضة هيزور
انا هقول على تجربتى الشخصية من غير اى تعليقات او اى حاجة خالص
1-كشوف القيد ممنوع انك تدور على اسمك فيها ومحطوطة جوة صندوق ومقفولة
2-الكشوف اللى جوة اللجان كانت بتتسود " دخلت لجنة وكنت بدور على اسمى فى الكشف ولقيت مراقب اللجنة ماضى قدام اسامى ناس محضرتش بس هو كان هيمضى قدام اساميهم بس لما يخلص الامضة بتاعتة
هتقولوا ازى
الكشف بيبقى فى خانتين للامضاء الاولى لمراقب اللجنة والتانية للناخب
والناخب اللى بيجى بيمضى وبعدين المراقب يمضى
وانا ملقتش غير امضة المراقبين بس
دخلت لجنة تانية ادور على اسمى قالولى خش انتخب مكان اى اسم وخلاص ادام مش لاقى اسمك
طبعا رفضت وقعدت ادور على اسمى ونفس اللى لقيتة فى اللجنة الاولى لقيتة فى اللجنة دى
ولجنة تالتة دخلتها والشهادة لله مكنش فى الكشف اى مخالفات بس وانا بدور على اسمى دخل واحد وقال لمراقب اللجنة خلص الورق عشان فاضل ساعة _ طبعا مش محتاجين تعرفوا ورق اية اللى يخلصة "
ودى كان جزء من تجربية يوم المحليات فى كرداسة
اه على فكرة لما لقيت كشوف القيد متقفلة ومش راضيين يخلونى ادور على اسمى دخلت للمرشحين وطلبت منهم انهم يروحوا معايا للمسؤلين عن كشوف القيد فرفضوا وكان الكلمة اللى على لسانهم يعم كبر دماغك ومش مشكلة وكلام عبيط من دا كتير
اشوفكم على مصر
2 comments:
طيب ايه وداك وايه جابك من هناك
يا دوح ما هى من زمان يا جماعه يعنى الناس من زمان كانت بتلعب يا حبى الكشوف متستفه من بدرى من قبل الانتخابات هههههههههه
تستاهل حد قالك روح
ابى
منورانى بجد
انا كنت رايح ابطل صوتى بس
مش اكتر ولا اقل
ملقتش اسمى فى الكشوف
بس دى غلطتى
المفروض يبقى معايا البطاقة الزهرى
بتاع الانتخابات عشان احطها فى عين اى حد
Post a Comment