2009/03/11

حب بغباء


قالها بمنتهى الصراحة
او بكل قباحة
احنا مننفعش لبعض
قالتلة ليه انت مبقتش تحبنى
قالها انا بعشقك مش بس بحبك
وحكالها عن هاجس بيجيلة علطول
بيزن فى ودانة اكتر من ناموسة
وقفت على مناخيرة بالليل
وهو نايم عـ السرير
عن يوم هتيجى تقوله فيه احنا مننفعش لبعض
دا رأيها او غصب عنها
عشان ظروفة ملطشة
ويسيبها تسيبه يموت
ويدخل المصحة يتعالج سنة
ويخرج مصمم يبقى حاجة
ويغتنى والبلية تجرى معاه
وهى تندب حظها ياريتنى كنت خدته ياريتنى صبرت عليه
مع اننا لو كملنا ومسبتنيش
مكنتش هدخل المصحة
ومكنتش هبقا حاجة
وعشان الموضوع دا
انا قررت ان احنا منكملش
عشان ظروفى ملطشة
ومش عايز ادخل المصحة
ولا عايز ابقى حاجة
عشان بالذنب متحسيش
ياحبيبتى فى يوم من الايام

9 comments:

سوبيا said...

احسن حاجه عملتها

بلا وجع قلب


وأحب اسمع أغنية..............

بلاش اصلي كده هابقى اوفر اوي

انا لقيت مدونتك قلت اسلم
سلام عليكم
ازيك ......؟
اكيد مش فاكرني
بس احنا اتقابلنا في يوم زيارة الجرحي في 7/1

سلام عليكم

وومن said...

تصدق وفرت يا محمود بلا حب بلا وجع دماغ
ودخول مصحة وخروج وكدهو

يلا كل حب وانت طيب

وومن said...

تصدق وفرت يا محمود بلا حب بلا وجع دماغ
ودخول مصحة وخروج وكدهو

يلا كل حب وانت طيب

قلب ينبض بالحب said...

رب ضارة نافعة ، وهي دايرة وبتعدي خضةفي لطمة في قطمة تيحتي وسلامي ليك ياصاحب احلى ضحكة

محمد مارو said...

ياااااااااااااااه يا محمود
كانك بتوصفنى بالظبط و ربنا

دى حاجه بتحصل لكتير اوى

ادرجه ان الواحد بطل يفكر اصلا فى الحب

كل عام و انت طيب
ملحوظه
البوست بتاعى كان بمناسبه كدبه ابريل
ههههههههه
عموما انشاء الله لما اتجوز لازم تحضر و انشاء الله يكون فرح بجد

كيكى said...

كع كع كع
***طب والله كدة احسن وكمان توفر حق الخروجات كل شوية**
**بوست واقعى جدااااا
عوووووو

شهد said...

لا فكرة حلوة برضه.. حبت من الأخر

بجد اسلوبك جميل


احترماتي

سمسم said...

اظاهر انك قابلت ناس كتير يوم زيارة الجرحى 7|1
حلو البوست دة
جميل وفكرة جامدة.

سمسم said...

اظاهر انك قابلت ناس كتير يوم زيارة الجرحى 7|1
حلو البوست دة
جميل وفكرة جامدة.