2008/12/11

موبايل موبايل موبايل



دائما وابدا المصريين عندهم حاجات كتير بينفردوا بيها عن بقية دول العالم كله

وبعلاقة المصريين بالموبايل او ما يدعونة محمول هناك اشياء يفعلها المصريين دون غيرهم وعلى سبيل المثال لا الحصر



· ممكن تلاقى كارت الشحن عند بتاع العلافة وعند السوبر ماركت وفى المكتبات وفى محلات الاكل وعند بتاع العصير وعند اى محل بيبيع اى حاجة

· لازم كارت الشحن يغلى عن سعرة المكتوب عليه حتى بعد ما شركات المحمول رخصت الكروت واعلنتها باسعارها المدونة عليها الناس بتبيعها اغلى منها

· غالبا الناس لما بتشترى كارت وتشحنة بتتأكد من الرصيد حتى لو جتلهم رساله تقولهم ان الرصيد الجديد انضاف لرصيدكم السابق

· بعد ما يشحنوا الكارت بقطعوة _ بجد نفسى اعرف الناس بتقطع كارت الشحن بعد ما يشحنوة ليه ؟_

· بعد ما بيقطعوه بيرموه فى الارض

· لما بيتصلوا بحد اول حاجة بيعملوها بعد مايخلصوا المكالمة يشوفوا العداد

· وحتى لو حد اتصل بيهم برضة تلاقيهم بيشوفوا العداد

· انك تلاقى راجل فى وسط الشارع واقف وجنبية يفطة بتقولك اتكلم براحتك دقيقة المحمول بخمسين قرش

· لو الراجل دا مجنبوش يافطة تلاقية واقف يقولك موبايل موبايل موبايل

· تلاقى فى صندوق الرسايل الواردة عند اى حد اكتر من .... رسايل كلمنى شكرا

· لو واحد موبينيل صاحبة بعتلة كلمنى شكرا يرد عليه برسالة اشحنلى شكرا

· رسالة كلمنى شكرا نفسها احنا منفردين بيها

· لو واحد بيقول لصاحبة معاك رصيد اعمل مكالمة تلاقية بيرد علية ويقولة زيرو كام

· لو واحد صادفت واخد موبايلك يتفرج علية تلاقية بيقلب فى الرسايل وبعد ما يخلصها يبص على الاسماء يمكن رقم يعجبة يحفظة

· تلاقى واحد مننا فى جيبة عدة تلفون بتعدى ال1000 جنية ومفيهاش ولا شلن رصيد _ طب شايلها ليه ؟ _

· لو واحد بيدخن تلاقية شايل الموبايل وتحتية علبة السجاير ومعاهم مناديل مبيستخدمهاش خالص وولاعة _ بيتهيألى دى نظرية الفوضى _



اكيد فى حاجات تانى كتير ممكن مكنش فاكرها او مبخدش بالى منها

حد عنده حاجة تانية ؟

4 comments:

Anonymous said...

أعتقد أن حبنا بالتباهي بالموبيل و نوعه مع عدم الحاجه له أصلا ،و قس على ذلك كثير من أمور حياتنا ،قد يكون به نوع من عدم الإستقرار النفسي و عدم الإشباع العاطفي .


و هل حقق لنا ههذا الإشباع العاطفي ؟

بس المهم إنك قوي الملاحظة و بتوثق تصرفات الناس و ردود أفعالهم في هذا الوقت و التي بالتأكيد ستختفي و سيظهر غيرها .

أقترح عليك التعمق أكثر في سلوكيات الناس في المجتمع ...و هذا عمل ليس سهل فهي قد تكون من الثوابت التي لم يمسسها بشر منذ عشرات السنين و تتراكم علينا كأحمال ثقيلة تعوقنا و تفسد حياتنا ..و تحمل عبارة لا تناقش و لا تجادل ...

و شكرا لك

aya said...

لا بجد بوست جامد ودمه خفيف تصدق يمكن انا مركزتش قبل كده في الحاجات دي بس اما قلتها حسيت اني شوفتها اكتر من مره
بالنسبه للناس الي بتشوف الرسايل دي يل رخامه عايز يعرف مين بيبعتلك وبيقول ايه ويمكن عايز يشوف الرسايل الجديده
بس بجد كل الي قلتله صح
تحياتي

حزينه said...

ههههه
والله بالظبط اللى انت بتقوله دة بيحصل
مصر هى مصر
بناسها وحراكتها

حزينه

ahmed fntazia said...

اه علا ده بيحصل بالظبط

ولو اتنين صعايدة لسي جايبين موبايلات

واحد في الشارع وواحد في الدور التاني في البلكونة

تلاقيهم بيكلموا بعض ويقولو انزلي

ولما تروح سنتورال او كشك تلاقيه مكلبش الموبايل المعفن في اسلاك شائكة عشان ماحدش ياخده ويطلع يجري