مدير بارد وتنح ومعندوش دم

مكنتش اتخيل فى يوم انى يتحقق حلمى واشتغل اى حاجه حتى لو مش تخصصى.

الادهى من انا اشتغلت انى اشتغلت فى الشركة اللى انا كان نفسى اشتغل فيها من زمان.

الشركه عندنا نظامها غريب جدا وعامل زى درجات السلم من المدير للغفير وبينى وبينك انا كنت من درجة متوسطه او اقل من متوسطة بس فى الاخر احنا كلنا شركاء فى الشركه دى لانك عشان تشتغل فى الشركه دى لازم تكون شريك فيها وكله له حقوق بس حسب الدرجه اللى انت شغال فيها يعنى الغفير ليه حقوق والمدير ليه حقوق و..... ليه حقوق , وزى ماكله له حقوق كله عليه واجبات , لكن المشكله الوحيده اللى فى الشركه المدير اللى ماسك الشركه من 25 سنه كأنها شركة ابوه والادهى من كدا انه عايز يمسك ابنه " جميل " مكتب الادارة من بعده ,بس انا عن نفسى مش زعلان انه ماسك من 25 سنه ولا انه هيمسك ابنه من بعده الاداره , لكن زعلان انه مش بيدى حد من العاملين حقه . وبعدين ابنه مينفعش يمسك من بعده الا لما العاملين ينتخبوه !!!!!!!!!!!!!!

اه ينتخبوه انت استغربت ليه , هو النظام عندنا فى الشركه كدا لازم المدير يكون منتخب من قبل العاملين فى الشركه , المشكله ان المدير كل مره يدخل الانتخابات ويكسب بنسبة 99.9% _ انا عن نفسى من 0.1% اللى مش بينتخبوه _ وكلام فى سرك محدش يقوله لحد _معظم الناس اللى شغاله فى الشركه مبترحش الانتخابات او بتروح ومش بتنتخبه بتنتخب حد غيره وان الناس تنتخب حد غيره دى محصلتش غير مره واحده عشان كان قبل كدا تروح وتقول عليه (يا نعم – يا نعمين )

بس هو قرر يخلى فى اكتر من مرشح لمنصب الاداره ويا ويل اللى يرشح نفسه هيبقى فى خبر كان , واكبر دليل على كدا " المهندس : أمين أنور " اللى اتهمه بالتزوير فى اى حاجه وكل حاجه .

المهم نرجع لأصل الموضوع وليه انا بقول على المدير انه بارد وتنح ومعندوش دم .

عشان هو الوحيد اللى بيبقى عارف نتيجة الانتخابات والنسبه الحقيقية بتاعتها وبيبقى عارف ان العاملين كلهم مش عايزينه وبرضه ماسك فى مكتب الاداره , ويكدب الناس ويقولهم انهم انتخبوه وهما منخبهوش ولا اى حاجه , لأ واخر صيحه " قانون مكافحة العمال " ودا قانون جامد عشان يعيش فى الشركه هو والعائلة الاداريه الكريمه لوحدهم من غير اى عاملين خالص عشان يرتاح من هم العاملين ومشاكلهم , ومن الاخر كدا مبروك على جميع العاملين بشركة " نصر " المدير " مبروك " وابنه المدير القادم " جميل " والام العظيمة لكل العاملين بالشركة " سوسن " .

حب * فراق

اخفض رأسه عندما رأها تنظر اليه رأت منه ذلك مرات ومرات فأحست به جزءا منها وأحبته كلما رأته وجدته يحدق بها وتنخفض رأسه اذا رأها تنظر اليه ومع مرور الايام زاد تعلقها به ولم تعد تستطيع مقاومة النظر اليه

وحاولت ان تتحدث اليه مرات كثيره لكنها لم تستطع من شدة حياءه

الى انا حدثت المفارقه وتكلموا كثيرا وفقدوا احساسهم بالوقت واصبحوا جزأ واحدا روحا واحده بل وأكثر من ذلك

و جاء اليوم التى عرفت فيه انها لم تحبه قط وانما احبت نظرته الى الارض كلما نظرت اليه.

اضراب 4 مايو

اولا افكركم باسراء صاحبة حركة التغيير اللى حصلت فى البلد كلها


واحب اقولها انها اثبتت ان مصر قادرة ان تصبح رائدة فى انتاج الثورجية ضد الظلم


بالنسبة لاضراب 4 مايو لو مكنش مدروس بشكل كافى

هيودينا لنفس اللى حصل فى الصورة اللى جاية واكتر بكتير


بالنسبة لحملة اكتب على الفلوس لا لمبارك
انا
هبدأ اعملها من النهاردة

مدونة صاحبى وحبيبى وكفاءة

بصوا يا جماعة
انا هديكم النهاردة لينك لمدونة جديدة
لواحد صاحبى
تجربته الاولى فى التدوين
يارب يرفع راسى لفوق

اى خدمة يا سامح
على الله يطمر

اضغط على الصورة هتلاقى نفسك هناك
عندة

التزوير افيون الحكومة

هل اصبح التزوير سمة الحكومة المصرية

انتخابات المحليات

كما قالت الاستاذة فريدة النقاش فى برنامج العاشرة مساء فضيحة

الحزب الوطنى حاصل على 44 الف كرسى بالتزكية من اصل 53 الف

يعنى الانتخابات كلها على 9 الاف كرسى وبرضة هيزور

انا هقول على تجربتى الشخصية من غير اى تعليقات او اى حاجة خالص

1-كشوف القيد ممنوع انك تدور على اسمك فيها ومحطوطة جوة صندوق ومقفولة

2-الكشوف اللى جوة اللجان كانت بتتسود " دخلت لجنة وكنت بدور على اسمى فى الكشف ولقيت مراقب اللجنة ماضى قدام اسامى ناس محضرتش بس هو كان هيمضى قدام اساميهم بس لما يخلص الامضة بتاعتة

هتقولوا ازى

الكشف بيبقى فى خانتين للامضاء الاولى لمراقب اللجنة والتانية للناخب

والناخب اللى بيجى بيمضى وبعدين المراقب يمضى

وانا ملقتش غير امضة المراقبين بس

دخلت لجنة تانية ادور على اسمى قالولى خش انتخب مكان اى اسم وخلاص ادام مش لاقى اسمك

طبعا رفضت وقعدت ادور على اسمى ونفس اللى لقيتة فى اللجنة الاولى لقيتة فى اللجنة دى

ولجنة تالتة دخلتها والشهادة لله مكنش فى الكشف اى مخالفات بس وانا بدور على اسمى دخل واحد وقال لمراقب اللجنة خلص الورق عشان فاضل ساعة _ طبعا مش محتاجين تعرفوا ورق اية اللى يخلصة "

ودى كان جزء من تجربية يوم المحليات فى كرداسة

اه على فكرة لما لقيت كشوف القيد متقفلة ومش راضيين يخلونى ادور على اسمى دخلت للمرشحين وطلبت منهم انهم يروحوا معايا للمسؤلين عن كشوف القيد فرفضوا وكان الكلمة اللى على لسانهم يعم كبر دماغك ومش مشكلة وكلام عبيط من دا كتير

اشوفكم على مصر

الحكومة تساعد الشعب فى الاضراب

مع انتهاء يوم استرداد كرامة الشعب 6 ابريل واعتقال ما يزيد عن 200 شخص نرى ان هناك سؤالا يطرح نفسة وهو
هل نجح الاضراب ؟
وللاجابة عن هذا السؤال لابد من طرح اهداف الاضراب اولا لنقيم مدى نجاحة
من وجهة نظرى الشخصية ان الاضراب لم يهدف الى تغير الاسعار او رفع الاجور او اى شكل من اشكال تحسين مستوى المعيشة بقدر ما اهتم بتحريك الشعب والضغط على الحكومة بقدرة الشعب على التحرك
ولنقيم ماحدث
تحركات واسعة المجال فى جميع انحاء المحروسة وهو مايحقق الجزء الاول بتحريك الشعب
اما الجزء الثانى وهو التلويح بقدرة الشعب المصرى على الاضراب قد نجح ونجاح ساحق وبفضل جهود الحكومة الرشيدة النظيفة المباركة
الاضراب فى معناة هو التوقف عن العمل بغرض الضغط على صاحب العمل لتحقيق مطالبة ويحدث غالبا بالجلوس فى المنزل وعدم الذهاب للعمل بشكل جماعى
وهو ماحدث بالفعل ان لم يكن بالتضامن مع الاضراب فخوفا من ما قد يحدث من تحرشات امنية بهم او القاء القبض عليهم بتهمة الاضراب حتى وان اقسموا بانهم كانوا ذاهبين لاعمالهم وذلك لان القسم لايجدى مع زبانية امن الدولة وهو ما يفضى لنفس النتيجة وهو الجلوس بالمنزل وعدم الخروج
اى ان نسبة كبيرة من الشعب المصرى لم تذهب لاعمالها وهو مايحقق هدف الاضراب بان الشعب قادر على الاضراب والتوحد فى صف واحد ضد الحكومة
وردا على مزاعم بعض المواقع الاخبارية بان الاضراب لم ينجح اقول لهم بان وعيهم السياسى ضعيف جدا وانهم لا يصلحوا الا لجلسات النميمة التى تنقل الاخبار بسطحيتها ظنا منهم بان تفريق جموع المتظاهرين يعنى ان الامن قد احكم سيطرتة على الاضراب ولو اطالوا النظر فى اليوم لعلموا انة يوم اضراب لا مظاهرات
وفى النهاية اوجة شكرى الى السيد حبيب العدلى بتحويل الشوارع الى ثكنات عسكرية وهو ما جعل نسبة كبيرة من المواطنين ينضموا للاضراب ان لم يكن بالتائيد فخوفا من الاعتقال

اعتقال دومة واكرم الايرانى وعبدالله حسن

تم القاء القبض على المدون احمد سعد دومة واكرم الايرانى من كوادر حزب العمل وعبدالله حسن من اعضاء نفس الحزب
ويتم التحقيق معهم بتهمة الدعاية والتحريض للاضراب بالرغم من ان مصر قد وقعت على قرار بمجلس الامن ينص على ان الاضرابات حق مشروع لجميع طوائف الشعب

_
دومة انت اخر حاجة قلتهالى قبل ما يتقبض عليك بدقيقة انك عايز تاكل عشان مأكلتش من الصبح وقلتلك وانا كمان لما تخرج هعزمك على غدوة حلوة بأذن الله