2008/01/07

انتظروا بلوجر باللغة العربية ان شاء الله


حاجة غريبة جدا واول مرة تحصل معايا

النهاردة كنت داخل على مدونة ولقيت الصفحة الغريبة دى

الغريب فى الصفحة انها بالعربى

انا معرفش دا خطأ من بلوجر

ولا اية بالظبط

لكن انا اتوقع ان بلوجر هيدعم العربى قريب

وهتقولوا محمود قال

14 comments:

عصفور المدينة said...

السلام عليكم أنا عارف الخبر ده من حوالي أسبوع

عشان انا بادخل على

http://draft.blogger.com

وده بينزل نفس بلوجر بس بيجربوا فيه الخصائص الجديدة ولو انت قلت اللغة بتاعتك عربي حتلاقي اتقلب عربي زي ما انت شايف

حسن ارابيسك said...

متهيألي الموضوع مش فارق قوي يعني أهم حاجه ان موضوعاتكم بتنشر بالعربي خلاص هو ده المهم وده اللي يهمنا في شغلنا وليس الأوبيشن بالعربي او بالانجلش .. بس واضح انكم فرحانين لكده.ربنا يفرحكم ويبسطكم

خالد said...

بس ياريت ميخلوش الاكواد
والتيمبليتس والكلام ده بالعربي...
اصل ثقفاتنا بأت انجليزي :(

ŞoŖśậŖấầ said...

السلاااااااام عليكممم

فى الواقع وفى الحقيقة انا مش بيهمنى اوى عربى واللا انجليزى

هى حاجة محزنة بصراحة ان التكنولوجيا كلها بكل مافيها بتسوده اللغة الانجليزية واحنا اتعودنا على كدا خلاص

فلما تقلب عربى بتكون مفهومة اكتر طبعا لكن بيكون شكلها غريب

مش عارفه ايه الغريب اللى فيها بالظبط:))

بس يمكن زى ماقلت اننا اتعودنا عالعنجليزى

تحياتى ليك

نقطة مية said...

عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم

خمسة فضفضة said...

السلام عليكم ورحمة الله وبركاته

والله مش فارقه ،
بس هاتبق مشكله لو ترجموا الكلام الي لغه عربيه مكعبله وغير مفهومه زي كده لما حاولوا يعربو الطب والمصطلحات الطبيه

عموما زي ما حسن ارابيسك بيقول المهم ان التدوينات بتتنشر عربي وان المدونات لسه موجوده ومالاغوهاش

تحياتي

محمود الدوح said...

ازيكم يا جماعة كلكم

اللى انتوا متعرفهوش انى هستخدم الواجهة انجليزى

بس اللى مفرجنى واظن انة هيفرح ناس كتير
ان انا لما كنت بدخل فى اللغات بتاع بلوجر كنت بلاقى حوالى عشرين لغة ومفهمش العربى وكنت بزعل جدا ان اللغة بتاعتنا مش موجودة فى الاهتمام

لكن دلوقت هو دا اللى مفرحنى

منوووووورين

امل عبد الحكيم said...
This comment has been removed by the author.
امل عبد الحكيم said...

المهم اللغه اللى بنكتب بيها
وكمان فى اقبال من العرب على المدونات
اكيد حطوا دة فى تفكيرهم
محمود شرفت المدونه بتاعتى بزيارتك
مستانيه رأيك فى كل حاه بكتبها
وياريت الناس تشرف المدونه بتاعتى

نـــــــازك الملائكـــــــة said...

:D
اتطورت والحمد لله
دى اقل حاجة يعملهوها على التدفق العربي الرهيب على البلوجر
:)

كل لغة وحضرتك طيب

fanan fa2eer said...

أيوة حاضر في المربع أهو

والله ياسيدي هي خطوة كويسة انهم ابتدو يعرفوا ان فيه شعب اسمه الشعب العربي

الخوف بقا حضرتك أحسن يقلبوهولنا عربي ونلاقي نفسنا ولا فاهمين حاجة من كتر مابنتعامل بالانجليزي

ربنا يستر

تليفزيون ملون said...

شىء كويس طبعا .. بس مادام هو بيسمح اننا ننزل تدويناتنا بالعربي .. يبقى مش فارقه كتير ....

تحياتي

محمود الدوح said...

المشكلة يا جماعة ان الهجوم التدوينى العربى كبير جدا
فانهم يتجاهلوا العربية ويحطوا لغات تانية كتير معنى كدا انهم بيتجاهلوا العرب

على العموم هى خطوة كويسة جدا

Anonymous said...

لاحظت أن البعض يخاف من العربية لأنه ألف الإنجليزية شيء يبعث على اليأس للأسف
و السلام عليكم