2007/10/19

هل اصبحنا ننقد لمجرد النقد



اسم انتشر على قناة اقرأ
كان يدعو للاسلام باللغة الانجليزية
قدم العديد من البرامج الانجليزية
ولكن هذا العام ظهر لنا فى برنامج باللغة العربية ولأول مرة






برنامج الطريق الصح
هو البرنامج الذى قدمة بالعربية
كنت حريصا جدا ان استمع الى برنامجة
جميع حلقات البرنامج على جهازى






من يومين بالظبط كنت قاعد مع واحد صاحبى وقالى من غير مقدمات
انت بتسمع معز مسعود لية
قلتلة بعد ان فهمت مغزى السؤال
لية هو مش عاجبك
قالى مش واجهة اسلامية خالص
قلتلة بيقول حاجة غلط فى البرنامج
قالى لا
بس لبسة وحش
قلتلة اشمعنى
قالى بيطلع بجينز وتى شيرت
وقالى فين الزى النبوى
قلتلة قصدك الجلباب والطاقية والسروال
قالى اه
قلتلة النبى مأمرش باننا نلبس جلباب بل امر بستر العورة وما الى اخرة



طبعا الحوار كان اشد حدة من كدا
بس دا المختصر بتاعة



وموصلش بينا لحاجة لان انا سكت
وهو لما لقينا كبرت دماغى سكت







بس اللى انا عايز اعرفة هو احنا لازم نجادل وخلاص
لازم نختلف عشان نلاقى مواضيع نتكلم فيها

مش عارف

5 comments:

ابن حـجـر الـعـسـقـلانـى said...

مش بعيد كان يقول لك: احنا لازم نتعلم عقيدتنا كويس و نلبس جلباب و طاقية

و مش بعيد بالفعل يكون أشار إلى العقيدة من قريب أو من بعيد و انتم بتتكلموا فى موضوع الزى

لأن نفس الجملة دى بتاعة: "احنا لازم نتعلم عقيدتنا كويس و نعمل كذا..." بقيت اسمعها كتير كمقدمة قبل أى سلوك حد ينصحنى إنى أسلكه

the others said...

في ايه ايه الانحراف ده ..مش عاجبك الطاقية والسروال ...أول ما المسلمين يلبسوهم هترجع فلسطين والعراق ..وهنبقى جامدين قوي...بس انت بس مش واخد بالك ..هو مش نقد ولا حاجة ده أنا بسميه جنان بس

الباحث عن الحقيقة said...

انا من رأى بنت مصر
انت تغسل سنانك وتشرب اللبن قبل ما تنام وهتبقى كويس
هو فيه ايه
اه لازم نجادل وخلاص
نعم فيه حاجه

مريم said...

مش عارفة اقولك ايه بس التفاهة دى انتشرت رغم ان ناس كبيرة زى الغزالى مثلا نبهت من سنين للناس اللى بتتمسك بالقشور
وياريتها حاجات مفيدة او حتى سنة صحيحة
مش لو كان فى زمان سيد الخلق بنطلونات وجينزات كان لبسها
هو مش برضه ربنا عرفوه بالعقل
ربنا يهدى

صانعة الحرية said...

السلام عليكم
اولا اسمح لى ان احى حضرتك على هذه المدونه
ثانيا
يقول الله تعالى(وكان الانسان اكثر شيئا جدلا)ء
ناس كتير جدا بتجادل لغرض الجدال فقط
وبعدين فى نقطه
هلل الزى النبوى هو جلباب وطقيه وغطره وسروال
لا والله
الرسول عليه الصلاة والسلام كان بيلبس لبس البلد اللى يروحها
حتى لو اخدتم بالكم من استاذى الفاضل وجدى غنيم فى رمضان كان بيجى على قناة الناس مره بجلباب وغطره
مره بقميس وبنطلون مره ببدله وكرافاته
وقال انه بيعمل كده علشان يعرف الناس ان الاسلام ليس له زى معين
وجزاك الله خيرا على هذا الموضوع