2007/07/10

يارب وانا عايش


بحلم بس وانا عايش يحصل زى اللى حصل فى الصين ويعدموا وزير فاسد ولا حتى راجل واصل ومعاه فلوس عشان قتل واحد
انا هسيبكم مع الخبر اللى خلانى اقول كدا وتحكموا بنفسكم عن واحد يغرق 1000 واحد ولسة عايش معزز مكرم
وواحد يحرق مركز ثقافى ببنى سويف ولسة موجود لحد دلوقت فى السلطة ولا واحد يحرق قطر زى قطر الصعيد ولسة عايش

يارب وانا عايش يارب

اعدام مسؤول السلامة الغذائية في الصين


تقول السلطات الصينية إن المسؤول السابق على الإدارة المكلفة بسلامة الغذاء والأدوية في الصين، جينج زيايو، قد أعدم بعد إدانته بالفساد، حسب ما أفادت به وكالة شينخوا للأنباء التابعة للحكومة.
وقد اتهم المسؤول السابق بسرقة 6.5 مليون يوان (850 ألف دولار أمريكي) على شكل رشاوى وبالتواني عن واجباته المهنية في محاكمة جرت في مايو / أيار الماضي.
وكانت الرشاوى متعلقة بأدوية تخالف للمعايير القانونية تسببت في عدد من الوفيات في البلاد.
وكان جينج قد طعن في الحكم في وقت سابق قائلا إن الحكم "قاس جدا"، معللا بأنه قد اعترف بجرائمه وتعاون مع الشرطة التي حققت في قضيته.
ويعد جينج آخر شخصية بارزة تحاكم فيما أصبحت أكبر فضيحة متعلقة بسلامة المنتجات الصينية في داخل الصين وخارجها.
وشملت المخاوف من المنتوجات الصينية المسمّمة التي برزت خلال الأشهر الماضية معجون الأسنان، وألعاب الأطفال، والدم المسموم، وأطعمة ملوثة مثل لحم الخنزير والمحار، بالإضافة إلى أطعمة خاصة بالحيوانات.
وقال مراسل بي بي سي في بكين، دانيال جريفينج، إن سلطات البلاد تأمل في أن يظهر اعدام المسؤول السابق بأن الحكومة تسيطر على الأزمة.
وعــجــبــي

5 comments:

ياسر سليم said...

هههههههههههههههههه

انته متأكد انه فى المربع ده

كويس لحسن كنت اكتب فى حته تانيه

.......

بالنسبة للمقارنة بتاعتك ظالمة

لأن هناك فى الصين ما عندهمش توبة وانابة

لكن احنا عندنا فى مصر اللى بيغلط ممكن يتوب ويقول انا مش هعمل كده تانى

ساعتها نعدمة ليه بقه ؟

Bella said...

يبقى ح تعيش كتير يااخي العزيز

انت متصور انهم ممكن يعدموا مسؤول لانه تسبب في موت مواطنين في مصر

هههههههههههه
ايه الرومانسية اللى انت فيها دي

طيب بلاش اللى قتلهم قتل مباشر زي ممدوح اسماعيل او وزير الثقافة او غيرهم

خليك في المبيدات المسرطنة اللى كل الشعب بلا استئناء اكل فاكهة او خضار ملوث بالمبيدات دي

حصل لهم ايه؟؟

عايشين متنعمين بيصرفوا الفلوس في منتهي الهدوء

كان مفروض اللى زي دول يعدموهم رشاً بالمبيدات

بس تقول ايه بقى

نحن في مصر

عدى النهار said...

قائمة أسماء طويلة مرت بخاطرى عند قرآة ذلك الخبر

egyboy said...

لما قرأت المقال دا افتكرت العبارة ونفسى يعدموا ممدوح اسماعيل .....بجد الموت غرقا وحرقا على السفينة شئ فظيع جدا لا يوصف .أحيانا أبكى عندما أرى نفسى فى الموقف دذ ياترى هيكون حالى ايه
بس احنا عندنا مبنعدمش المجرمين الكبار اللى يموت أكتر من الف
بس هنقول ايه لا حول ولا قوة الا بالله

محمود الدوح said...

ياسر سليم

فعلا عندنا توبة
وكمان عندنا حل تانى ان احنا ننفى اللى عمل كدا فى بلد اوربى وكمان ياخد فلوسة


bella

احنا فعلا فى مصر
بس دى مش رومانسية ومش محتاجة ان احنا نعيش كتير
المهم نحاول نغير


عدى النهار

ولو فضلنا فى العصر دا
هتطول قايمة الاسماء دى


egyboy

الكبار ميتعدموش عشان قتلوا
لكن الاهالى هما اللى يتعدموا عشان ابنهم اتقتل