2007/07/05

يوميات س وج

س : بتحب مصر ؟
ج : مش عارف .
س : يعنى اية مش عارف ؟
ج : مش عارف احبها لية مع انى فى مليون سبب يخلونى احبها
ومش عارف اكرها لية مع انى فى مليون سبب يخلونى اكرها
س : يعنى انت كدا واقف فى الاوفسايد؟
ج : مش بالظبط.
س : ممكن توضح .
ج : بص ياسيدى . انت شفت فيلم " مافيا " بتاع احمد السقا ؟
س : اه مالة ؟
ج : فاكر حسين فهمى قال للسقا اية ؟
س : قالة يلا بينا نسمع الاغنية دى .
ج : متستغباش .قصدى الحتة بتاع مصر والام .
س : اه افتكرت . لما قالة امك وحشة.
ج : يا اخى مش بالمعنى دا . هو كان قصدة ان امة مش احلى واحدة فى الكون لكن برضة بتحبها.
س : ودا اية دخلة فى موضوعنا
ج : هو دا اول سبب من المليون سبب اللى يخلونى احب مصر.
س : طب واية اللى يخليك تكرهها .
ج : فاكر احمد السقا قال اية لحسين فهمى قبل ما حسين فهمى يقولة الكلمتين دول .
س : فاكر قالة يلا
ج : يلا فين
س : نسمع الاغنية
ج : ياغبى مش دى اللى انا اقصدها . انا قصدى لما قالة "مصر ادتنى اية عشان احبها.
س : افتكرت . بس اية دخل دا فى موضوعنا .
ج : هو دا اول سبب من المليون سبب اللى يخلونى اكرة مصر
س : برضة مفهمتش انت بتحبها ولا بتكرها

" شاشة سوداء تتوسطها كلمة النهاية مع صوت ضرب وخناق فى الخلفية "

3 comments:

Anonymous said...

انا بقي بحب مصر جدااااا و اتمني اني ما اسيبهاش في يوم بجد و الله من غير مبالغة لمجرد انها بلدي بس للاسف مش عارفة احبها ازاي:(

محمود الدوح said...

افتكر زمان وهما يعلمونا نعوم انهم كانوا بيقولولنا سيبوا نفسكوا للمية

هو دا اللى هتعملية عشان تحبى مصر تسيبى نفسك تحبيها
وطبعا اللى بيحب حد بيعمل كل حاجة عشان يرضية

جمعاوى روش طحن said...

تدوينة جااامدة

الى الاما ائما

و بالمناسبة

الخناقة خلصت على ايه ؟