2010/01/15

اثر المذاكرة على الحب


اللى بينى وبينك علاقة كونية

زى علاقة الشتا بالبرد

والصيف بالحر

والشجر اللى بيغير ورقه كل خريف

والورد اللى بيفتح كل ربيع


زى علاقة السمك بالبحر

والطير بالسما

واحنا ع الارض


ارتباط شرطى

لما ترمى الخشب على وش الميه

لازم يطفو

ولما تحطى المية على النار

لازم تغلى

اهو انا كدا منفعش من غيرك

ولا انت تنفعى من غيرى


لو كلمتك ع الموت

مش هقول بعد الشر

ما هو ممكن اموت انا وانت

واهى تبقى نهاية سعيدة


لو كلمتك عن المد والجزر

دا اساسى فى الكون

زى ماهو اساسى فى علاقتنا

مرة تشد ومرة ترخى


على فكرة

انا قاعد بذاكر

فى كتاب العلوم

5 comments:

Lady E said...

فعلا اثر المذاكرة واضح :)

وكلامك شبه الشعر الانجليزي

ربنا يوفقك ويوفقنا في الامتحانات

سواحة said...

:-))
nice

but take care not always
when you put water on fire it boils sometimes water extinguish fire :-))

hayoomaa said...

تحفه
عجباني اوي
اصلا الحب ماهو الا علاقه شرطيه
اصلا ملوش تفسير
ممتع البوست

Ahmed MeTalliCa said...

على فكره يا محمود انا كمان كنت بستغل المذاكره فى السرحان فى اى حاجه بحبها ف الموضوع دا مش غريب عليا بالمرره..الكلام لذيذ و دمه خفيف و المدونه عشره على عشره بصراحه
تحياتى

prof m.z said...

المدونة رائعة شكرا لك

مدونتى http://sehatak.blogspot.com/