2008/08/10

تلفونى ضاع



نصائح للى لقى التلفون
1- يشبل الشريحة ويحاول يوصلهالى
2- التلفون مش هيشتغل على اى شريحة تانية غير فى حالة واحدة انك تودية لبتاع موبيلات يفكلك الشفرة بتاعتة هياخد منك خمسة جنية
اصل انا عملتها فى الشريحة بتاعتى
3- ممكن تتصل برقم مكتوب علية home ودا رقم بيتنا وضيف علية رقم 3 فى الاول عشان الحكومة ضافتة
4- مبروك عليك التلفون بس بجد حاول تبعتلى الشريحة باى طريقة

تحديث
وفقا لما طلبتة المدونة الرائعة اللى بعتذرلها على عدم مجيئى يوم الجمعة اللى قبل اللى فاتت قدام الناس كلها خيخة واى كلام واللى طلبت نصائح للى ملقيش التلفون هقول نصائح بسيطة جدا ليهم
1-يقعدو يدعوا ربنا يخلى اللى لقى التلفون فى قلبة رحمة ويتصل ببيتنا
2-اللى كان معاهم رقمى يبعتولى رقمهم لحد ما اجيب تلفون
3-يدوروا على التلفون
بس

تحديث كمان وكمان
جبت تلفون وشريحة بديلة
يعنى دلوقتى معايا تلفون للى عايزنى
ونصيحة لبقيت الناس اللى كنت مسجل رقمهم يبعتوة من جديد عشان اسجل ارقامهم
شكرا
وشكرا لكل الناس اللى تعاطفت مع موبايلى
وخاصة للى سابوا تعليقات

8 comments:

الـسـيـدة نـون said...

طيب انت اديت نصايح للى لقى الموبايل بتاعك
طب واللى زى حالاتى ومالقوش الموبايل بتاعك
يقدروا يعملوا ايه ؟

فداك يا عم مليون موبايل

والراجل مش بموبايله
الراجل برعايته لبيته ولاسرته

سلام
اختك خيخة

ساسو said...

هههههههههههههههه ياعيني
هو ضاع ولا اتسرق ..في فرق!
اصل لو ضاع اقولك ماشي لكن لو اتسرق...يبقه حرامي منحوس و حظه زي الزفت ان موبيلك اللي وقع في ايده ...خمسه جنيه مره وحده لا ياعم ربنا يسهلك ده يروح يشفله حد غيرك يسرق موبايله
ربنا يرجعهولك بالسلامه ويكون الاخده واحد ابن حلال

مصر يا موكوسه .....يا مزارع الكوسه said...

السلام عليكم ورحمة الله وبركاته
حملة كى يكونو حقا احياء
لمساعدة اطفال الشوارع ستبدا هذا الاسبوع
باقى التفاصيل هنا
http://awraqwasrar.blogspot.com/
للاشتراك يرسل الى
quloobrhema@yahoo.com
لنقم بالاتفاق على تحديد مكان وزمان
اللقاء
يسعدنا اشتراك الجميع

موناليزا said...

عوضك على الله
فداك والحمدلله انها جت فيه محدش عارف الخير فين
بس ده مايمنعش انك تدعى برضه لعل وعسى
ربنا يردهولك ويرجعهولك تانى

Anonymous said...

i think you add more info about it.

ساسو said...

شفت متعرفش الخير فين ربنا عوضك بأحسن منه
مبرووووووك ياعم علي الموبايل الجديد
بكاميرا ونظام
اللي اداك يدينا ياسيدي
(ده مش قر ولاحسد..دي مباركه بس والله)

أكون أو لا أكون said...

السلام عليكم ورحمة الله وبركاته...
اخي ان شاء الله تجد موبايلك... انا عارفه اللي يضيع موبايله يحس بايه ...خصوصا لوكان فيه ارقام ناس صعب انه يلاقيهم... وانا مريت بتجربه موبايل اتسرق من عندنه من البيت... بس كان يوم اسود
مش عشان قيمته ابدا... بس كان فيه صور...
لكن بفضل الله انه رجع واتفضح اللي سرقه...
ان شاء الله يرجع موبايلك...
بس خلي املك بالله

ojg said...

لست وحدك
أنا كمان موبايلي اتسرق مني :(
بس سيبك انت فداك
ومبروك على الموبايل الجديد