2008/08/04

دليفرى



بحلم ببكرة يكون اكثر اشراقا وانى يكون معايا ملاين من الجنيهات ويكون عندى مجموعة شركات وتكون مجموعة عالمية وعايز اتجوز ملكة جمال مصر وعايز وعايز وعايز يعنى من الاخر عايز كل حاجة فى الدنيا .

دا الكلام اللى كل الشباب بتقولة وهى قاعدة على القهوة عايزة كل حاجة تجيلها لحد عندها لكن يا خسارة مفيش دليفرى لتوصيل الاحلام الا اذا كنت انت اللى هتوصل الاحلام لحد عندك.

كل شئ ممكن يعنى ممكن تبقى عندك كل حاجة بتحلم بيها بس لازم تتحرك وتقوم من على القهوة وتشوف اول خطوة المفروض تبدء بيها ومتسوفش وتقول طيب لما اخلص القعدة دى لا المفروض تشوف حلمك وتبدأ فية من اول دلوقت.

ومفيش حاجة اسمها انا معنديش حلم لانك فى الحالة دى مش هترتقى لصفة الانسان انة بيفكر لمستقبلة وهتبقى ساعتها بتفكر فى دلوقت يعنى ازاى تعيش اللحظة ودا اكبر غلط لانك المفروض تفكر بعد اللحظة دى هيبقى موقفك اية فى الحياة وموقعك اية من الاعراب والحديث الشريف بيقلنا وبيحثنا على اننا نشتغل لبكرة بكل قوتنا

((اعمل لدنياك كأنك تعيش أبداً واعمل لآخرتك كأنك تموت غداً)) يعنى المفروض نفكر فى بكرة وشكلة ومنقولش ان الحاجات دى بتاع ربنا لان ربنا خلقنا وادانا عقلنا عشان نفكر بية والا مكناش وصلنا للتقدم اللى احنا عايشين فية لان كل واحد هيفكر فى لحظتة وملوش دعوة بغيرة وفى الاخر هقول لى وليكم احلم وامشى فى طريق يوصلك لحلمك ومتستناش الدليفرى.

1 comment:

ساسو said...

ياسلام ياسلام
وصلت قبلكم واخدت المركز الاول وانتم لسه قعدين علي القهوه والله دي حاجه تزعل الشباب الايام دي عايش علي التواكل ومش بيتوكل علي الله ويسعي حتي لو مش بنتيجه بس يكفيك شرف المحاوله
ليه منبقاش زي النمل كل يوم يخرج بيشتغل ويجمع اكله ويخزنه وبرغم من ان عنده اكل يمكن يكفيه سنه عمره مكسل يوم ولا قال لا انا تعبان النهرده
ياريت نبص للمخلوق الصغير ده مثال للنشاط والحيويه
شكرا محمد علي التحفيز وروح التفائل