2008/05/08

فكرة مصرى وتنفيذ لبنانى * اقرا يا ارهابى منك له

اليوم هو اليوم الثانى لاضراب اللبنانيين
احداث اليوم الاول اغلاق جميع المحلات التجارية
غلق مطار بيروت


16 جريحا حصيلة اليوم الاول جراء اشتباكات بين اللبنانيين والحكومة اللبنانية
متفرقات من الاخبار يمكنم متابعتها من خلال هذة الوصلة

مايهمنى ويشغل بالى كثيرا من الامس الى اليوم
هو مدى الوعى لدى اللبنانيين واشقتهم المصريين

بدأ الاضراب فى مصر بشكل كبير يوم 6 ابريل
وانا اعتبر ذلك اليوم عيدا حقيقيا للمصريين
وانتهى مع مساء نفس اليوم
وهو ما يعنى ان الاضراب كان يوما واحدا فقط
ولم تستجب الحكومة المصرية لمطالب الشعب
وتم اعتقال الكثير من المصريين وتم استشهاد 3 مصريين الى الان


وعندها حاول المصريين تكرار نفس المحاولة فى يوم 5 مايو وفشل الاضراب الثانى فشلا ذريعا
اما بسبب العلاوة او بسبب قلة الوعى او الخوف او لأسباب عديدة
ولكن الحكومة هذة المرة لم تستجب فقط بل ضربت على ظهر المصريين بالسوط
وارتفعت الاسعار بشكل جنونى وسط ذهول من المصريين

ــــــــ
على الصعيد اللبنانى
بدأ الاضراب بالامس فقط ويستمر الى حين تحقيق مطالب الشعب
الاضراب شامل متكامل ولا ادرى هل سببة الوعى لدى اللبنانيين ام الشجاعة فى مواجهة الحكومة او لاسباب اخرى
ولكنى اتوقع نجاح اضراب اللبنانيين على اضراب اللبنانيين لعدة اسباب
السبب الاول ان الاضراب مستمر لأكثر من يوم
والثانى ان الاضراب شامل يمعنى اغلاق جميع المحلات وجلوس معظم اللبنانيين فى بيوتهم
الثالث ان جحميع قوى المعارضة مشاركة فى الاضراب بعكس ماحدث فى مصر
فالاضراب الاول تخلف الاخوان عن الاضراب
والثانى تخلفت كفاية عن الاضراب
الايام القادمة ستكشف لنا من سيربح الشعب المصرى ام اللبنانى
ام سيخسر الاثنان معا؟

*************
جاتنى رسالة فى الفيس بوك النهاردة ب15 بند من قانون الارهاب الجديد اللى هيتحط بدل قانون الطوارئ
اللينك اهو للى يحب يعرف البنود

على فكرة مصر كلها ارهابيين
دا اللى انا عرفتة من البنود اللى قريتها
كل ارهاب وانتم طيبين

*************
0

10 comments:

Bella said...

هناك فروق كثيرة بين الشعبين المصري واللبناني
ولايمكن باي حال من الاحوال مقارنة شعب كالشعب اللبناني
بنا نحن الذين نتغنى بصبرنا وقدرتنا على الاحتمال وكان الصبر على البلاء وماينزل فوق رؤوسنا من مصائب حكومية قدر علينا لانملك تغييره

الحقيقة ان احترامي للاخوة في لبنان يزداد كل يوم لانهم يثبتون حقا انهم شعب يستحق الحياة لانهم يطالبون بحقوقهم ويتمسكون بها ولا يعتبرونها منة من احد

اذا الشعب يوماً أراد الحياة
فلابد ان يستجيب القدر

ويبدو ان ارادة الحياة لم تصلنا بعد ولهذا لن يمنحنا اياها القدر ونحن نيام

تحياتي

rona said...

صح والله اذا اراد الشعب يوما اراد الحياه
فلابد ان يتجيب القدر
واضح ان الشعب لا يري الحياه ده مش معناه عشان الاضراب لااااااااا مش معاه السلبيه فى كل شىء

Ahmed Al-Sabbagh said...

والله حلو اوى

واضح ان الشعوب العربية بدأت تتاوب وتقوم من نومها

البوست ده حلو اوى وبيفكرنى بشوية صور ابقى فكرنى اوريهالك

هتعجبطك يا مان

تحياتى

احمد الصباغ

mostafa rayan said...

بص يا نجم اكيد اضراب اللبنانين هينجح لأنهم عندهم خبرة ووعي اكبر بثقافة الأضراب ولأن الناس اللي ماسكنيهم بيحسوا مش متبلدين الحس زي اللي عندناولانهم كمان ايد واحدة وعندهم ثقافة العمل الجماعي ودة اللي بينقصنا بجد
ومش هعلق علي الفقرة التالتة زي ماطلبت ولو ان معناها واضح
سلامي ليك

sebofy7alo said...

هااااايل يا محمود
فعلا مقارنة في محلها لية منعملش زيهم بالأفعال؟؟؟
غريبة فعلا
بس بوست هايل جدا
سلام يا عسل

Tamer Nabil Moussa said...

مقارنة فى محلها الصحيح

ربنا يهدى الجميع

والصورة تبقى احلى

تحياتى

Tamer Nabil Moussa said...

فى انتظارك بقلى يومين

اعمل اية فيك ياعم

مش تنسى وانت داخل عندى تحط قرشين على باب مدونتى افكار حرة

وكلة بثوابة


تحياتى

Empress appy said...

بجد فكر حلو الا قولى انت اللى كاتبه ههههههههه

لا بجد حلو قوى بس احنا يا محمود اقويا عنهم عندنا قوة صبر فظيعه على مصايبنا ودى ربنا مديها لنا بس فعلا فيه وقت لازم نقوم فيه
مش قولت لك من يومك قوى

Soooo said...

استغفر الله العظيم
انت عايزنا نعمل اضراب ؟؟
ما داهيه كمان يكون ليك مطالب؟؟
انت مجنون؟؟
لا .. انت اكيد اكيد في مصر
----
يابني لبنان دي هايله في كل حاجه والله
مظاهرات شيك
اضرابات شيك
بنات شيك
مش زي عندنا
جاتنا نيله في حظنا الهباب

سيبني يا محمود اروح اشوفلي تربه اندفن فيها ياجرع





سلامووووووووووووز

همس الاحباب said...

اول زيارة يا حوده
بس بوست رائع ومدونة جميلة
ومقارنة غير متكافئة
احنا اجدع شعب سلبى واجدع شعب يبدامشوار وما يكملوش
تحياتى ليك
خالد