الى الباحثين عن شراء مدونات
موضوع منتشر بشدة فى خلال هذة الايام وهو طلب شراء مدونات المدونين
واللى ميعرفش الموضوع دا ممكن يدخل على الصفحات اللى اية دى
الكلام دا مقدمة لصفقة انا هعملها مع اى حد
بشرط انة يكون قد المسؤلية
هقول الصفقة وبعدين يبقى اقول الشروط
انا كنت عملت مدونتين قبل كدا
وشغاليين لحد دلوقت
بس انا مش مفعل روابطهم فى الملف الشخصى بتاعى فى بلوجر
وبعدين كل مابدخل على لوحة التحكم بتاعتى بلاقيهم
وبستخسر ركنتهم كدا
وجاتنى فكرة انى اتنازل عنهم لاى حد حتى لو جديد فى التدوين
او لسة هيدون
وعرضتهم على اصحابى غير المدونين
وكلهم رفضوا فكرة التدوين من اساسة
فانا قلت اعرضهم هنا ولو حد عايزهم اتنازل عنهم
بس فى شروط سهلة جدا جدا
بس بعد ما تشوفوا المدونات
اضغط على اسم المدونة لتصل اليها
طبعا انا عارف ان فى ناس كتير هترفض البيعة
بس مش هتفرق معايا
انا هقول الشروط للمهتمين بالموضوع
1- اكون عضو فى المدونة لمدة شهر قبل التنازل
2- فى خلال الشهر دا لازم ينزل اربع بوستات بمعدل بوست كل اسبوع على الاقل
3- مفيش اى حاجة تانية
22 comments:
أنا متشكر مش عايز اشتري
الأستاذ صاحب مدونة أنا جعان له مقال شبيه
http://anaga3an.blogspot.com/2008/02/blog-post.html
انا مختلف معاك جدا مدونه ببلاش على النت
وانا اضم راى الى عصفور المدينه
عصفور المدينة
منورنى والله وان كان على البيع انا مش هبيع انا هتنازل
لكن عن مدونات محدش يعرف اى حاجة عنها
واللى هيقرب من مدونتى اكلة بسنانى
ـــــــــــ
احمد الجيزاوى
يا عم احمد متكبرش الموضوع قوى
انا قلت هتنازل
يعنى زى ماتصمم مدونة لواحد صاحبك
بس المرة دى مش هيكون صاحبك
هيكون واحد يا تعرفة يا متعرفوش
وهتبقى الادمن بتاع المدونة لمدة شهر معاة
يعنى مش ببلاش خالص
بشوية مجهود
اولا :
ابارك لك على تغير شكل المدونه
ثانيا:
انت مشارك معنا ف جريدة
"
مناضلون""
اتمنى ان نقرا لك قربيا موضعات هامه كعادتك
يمكنكم متابعة تحركات و اعمال
" حركة شباب احرار"
من خلالها و اتمنى مشاركتك
دمت بكل خير وتمنياتى لك بالتوفيق
بيع يا صبري
**************
أخبارك أية يا حج محمود
أنت اختفيت مرة واحدة لما كنا في
ندوة فلسطين في القلب
***************
تشرفنا بمعرفتك
انا موافق ع الشروط كفايه انك هتنورنى
ازيك يا حودة
عامل ايه
اول مرة ليا فى مدونتك
ماقريتش ولا بوست بصراحة
انا بس كنت جاية ادحرج السلام
بس قبل ما دحرج السلام
دعبست شوية فى مدونتك
ولقيتك كاتب بوست عن فردة الشبشب وحكايته مع غاندى
عجبنى اوى البوشست ده
اصل انا من اشد المعجبين بغاندى
وعلشان انا من اشد المعجبين بيه
هاقولك على مقولة هو قالها وانا بعتز بيها جدا
بيقولك ايه غاندى؟
لا تجعل ما ترتديه اغلى ما تملك حتى لا تجد نفسك يوما ارخص مما ترتدى
بس خلاص
انا قلت اللى عندى
هبقى ادعبس فى مدونتك تانى بس مش دلوقتى
يلا ادينى اهه دحرجت السلام
القفه انت بقى
سلام يا حودة
اختك خيخة
اخص عليك حد يبيع مدونته يا راجل دى مدونتك اوضه فى بيتك ينفع تبيعها
وتبيعها بقى وتبقى فرصتى اجرى وراك فى الشارع واقول محمود باع بلوجه يا ولاد والم عليك البورصه
دوووووح
حبيب قلبى العزيز
دة تقريبا اول تعليق عندك
وجيت ما لقيتش شاى ولا كازوزا ولا حاجة
بجد سعيد اوى بمدونتك
جميلة جميلة
هتصفحها بقى
وتحياتى
أحمد الصباغ
تحياتي لك يا دوح
اول ما ىجي عندك الاقيك بتتاجر في تجارة خسرانه كده
وبتشرط كمان
عموما منجيلكش في مدونه
ربنا يوفقك
بقولك
أخش معاك بالنص؟
( :
حاجة غريبة فعلا !!
انا مندهشة
بصراحة هى فكرة جديدة .. انا اول مرة اسمع عنها
اهلا اخ ممدوح الدوح ...
انا هقلك انا هسرقهم .. يلا بقى ورينا شطارتك .. هتخبيهم ازاي ...
ولا شروط ولا يحزنون .. قال هتتشرط يعني ..
هههههههههه يلا ورينا شطرتك ..
بس عموما في واحد منهم ديزاينو حلو قوي انا عجبني بس انا عندي خمس بلوجات كفايه عليه ... ربنا يعني عليهم واوفيهم حقوقهم ..
با بهرج معاك مش اكتر ..
تحياتي ممدوح افندي
هههههههههههههههههه
ضحكتنى جمله ايوه فى المربع ده اللى مكتوبه .. انت فاكر اللى بيعلقو عندك دول ايه .. معوقين؟؟؟
احلى واهم شرط فى نظرى هو التالت
وانا مش هقدر اشترى منك عشان انا مشغوله بمدوناتى . لكن ممكن انضم للوزه ونعمل عصابه محصلتش
ولما نشوف انت هتقدر تصدنا .. ولا لأ
ههههههههههههههههههه
السيد شبل
الله يبارك فيك
انا حطيط بوست النهاردة هناك
ـــــــــــ
ع الوطن
ازيك يا رامى عامل اية
امال انت اكتفيت بالبوست اللى انت حاطة
مش هتحط حاجة جديدة ولا اية
ـــــــــــ
محمد مارو
ازيك يا محمد
ان شاء الله هتبقى شركة خير باذن الله
بس اجدعن كدا
ـــــــــــ
بت خيخة واى كلام
ازيك يا خيخة
عاملة اية
انت نورتى البلوج
وبالنسبة للدحرجة انا معرفتش القفة
اصلة كان تقيل شوية فوقع اتكسر
وبالنسبة لغاندى انا بموت فية بجد
ـــــــــــ
ابى
ياجدعان مش بيع
بصى يابنتى
المدونة اللى انا فيها دى هى بتاعتى
واللى يقرب منها اقطعة بسنانى
وبالنسبة للجرى
هقولك نصيحة
اجرى يابن ادم جرى الوحوش
ورا محمود الدوح متلحقوش
منورة
ـــــــــــ
الصباغ
خال الجميع
عامل اية
وانا اقول المدونة بتاعتى منورة من اية
اتاريك سايب تعليق
الحاجة الساقعة فى اول المدونة على الشمال وانت داخل برجلك اليمين
ـــــــــــ
دكتور حر
منور المدونة
هى مش تجارة خسرانة قوى
انا هحاول اخليها تكسب
وبالنسبة للى بنص
ممكن
بس بشرط
ههههههههههههه
ـــــــــــ
شقاوة شعب
هى جديدة اه
لكن وحشة اه
ـــــــــــ
لوزة ولولا
اللى بيدايقوا الناس
ازيكوا عاملين اية
هو انتوا عاملين عليا رباطية ولا اية
دا انا ورايا ناس تاكل الزلط
وربنا يعينكوا ويقدركوا على مدوناتكوا
منورررررررررين
محمود محمود محمود محمود
الحوار ده بجد يعني .. انا دخلت عند ابو شنب ودعبست كده مالقتش لا ايميل ابو ندا ولا حتى ندا
لو ليك سكه في حوار البيع انا شغاااااااااااال
شوف ايه النظام وساعدني الله يكرمك
سلاموووووووووووووز
عاوز ابيع مدونة بلوجر اجنبية بتكلم عن سياح مصر و حضارة مصر و اثار مصر و السياحة عما يعنى و بيدخلها 7000 زائر يوميا الحمد الله اقل حاجة 7000 زائر www.egypttourists.blogspot.com دى المدونة المهم لمن يريد الشراء يكلمنى على الرقم دة 0173431632 او يكلمنى على الاميل دة teto_toto86@yahoo.com
Post a Comment