2008/02/01

النت ونظرية المؤامرة والضغط على مصالح الاغنياء

النت بطئ جدا جدا جدا
الى درجة لا توصف
ودا بسيي انقطاع كابلين فى البحر المتوسط من اصل 3 كابلات بيوصلوا العالم العربى ببقية العالم
احنا ممكن نحسب الموضوع بنظرية المؤامرة ونقول ان دولة زى اسرائيل او امريكا عارفة ان الدول العربية كلها بتعرف اخبارها دلوقت من خلال النت وبتقضى مصالحها الخارجية بالنت وان فى ناس اتصلت بالغزاوين من خلال الكابلات دى تقوم قاطعة الكابلات دى يقوم العرب ينقطعوا عن العالم
ماعلينا من الكلام العبيط اللى فوق دا
خلينا فى الجد
بعد الخبر بتاع النقطاع الكابلات دى قامت الحكومة المصرية وعلى ما اظن ان حكومات عربية كتير قالت نفس الكلام وناشدت البنى ادمين انهم يبطلوا استخدام النت فى حاجات عبيطة زى الشات والداونلود والتصفح كمان وكل استخدامات النت ودا فى سبيل ان البورصة تشتغل هى والمطارات وجميع المصالح اللى بيستخدمها الاغنياء من ابناء هذا الوطن فقط .
طب انا عن نفسى ومع انى مش بعمل داونلود كتير الا انى قررت انى اعمل داونلود الايام دى علطول واعمل شات مع انى مش من انصارة واعمل كل حاجة تعكر صفو النت , الكلام دا مش نظرة طبقية لا والف لا بس انا بتكلم عن انهم مش بيوفرولنا اى حاجة خدمة نت زبالة الميتين 56 عاملة زى الدايل اب بالظبط والميجا عالملة زى ال256 يعنى كدا كدا احنا مش بنستخدم النت بالطريقة الصح يعنى بينصبوا علينا واحنا راضيين يقوموا لما يحتاجوا النت عايزين يخلونا نبطلة طب الشركة اللى انا موصل منها هتيجى اخر الشهر تقولى مش هناخد فلوس عشان انتم مكنتوش مستخدمين النت لو كان كدا ماشى .
على العموم والخصوص انا مقاطع مقاطعة النت .

4 comments:

خمسة فضفضة said...

السلام عليكم ورحمة الله وبركاته

ههههه

حلوه اوي مقاطع مقاطعة النت دي

وانا كمان معاك مقاطعه مقاطعة النت

يلا بقب اعملنا بانر للحمله دي

:-D

عصفور المدينة said...

اشتغل عندي بس بطيء ولله الحمد
لكن هما وقعوا عقد كابل خاص بمصر وربنا يكرم
http://www.masrawy.com/News/Egypt/Economy/2008/January/31/cable.aspx
بتكلفة 690 مليون جنيه

نـــــــازك الملائكـــــــة said...

كلام منطقي
ممكن بل اكيد الموضوع ليه ابعاد سياسية
وطبعا صراحة الدولة باينة اووى
على التكتيم والله اعلم بما يكتمون

ض/خالد said...

الحمد لله النت اشتغل :)