القراءة التصويرية
من زمان وانا بحلم انى اذاكر الحاجة بسرعة
اقرا كتاب ميخضنيش
مجموعة كتب زى دى تخض اى بنى ادم نفسة يقراها
لقيت موضوع اسمة القرأة التصويرية فى احد المنتديات
قررت انى اعرف بتحكى عن اية القراة دى
لقيت ان اللى بيتعلمها ممكن يقرا 2500 كلمة فى الدقيقة
بمعدل صفحتين فى الثانية
وفى دورات ممكن الناس تاخدها فى مراكز كتير
ولقيت صفحة فى موقع فيها سرعة قياس القرأة
وقست سرعتى
بس مش هقولهالكم غير لما اعرف سرعتكم
ربنا على الظالم والمفترى
12 comments:
بص يا حدة ما تعيشش الوهم الناس دول كلامهم كثير بيكون مبالغ فيه وده في رأيي له تاثير سلبي عى الناس يؤدي إلى القعود وسرعة القراءة في حد ذاتها مش هدف بل ممكن أسألك في الكلام واناقشك فيه وأعلق عليه وهو ده المهم
والحمد لله فيه ناس كثير بتقول على سريع في القراءة ومع ذلك سرعتي حسب الموقع اللي انت أشرت إليه 300 إلى 290 كلمة في الدقيقة
وممكن أحكيلك محتوى الكلام وأعلق وأناقش كمان ولله الحمد والمنة فالراجل بقى أبو 2500 ده حيبقى شكله عامل إزاي طب والراجل اللي بيقرا 10000 كلمة في الدقيقة شكله عامل ازاي
ومعدل القراءة المعتاد للبشر بيتراوح من 200 إلى 300 يعني محسوبك جايب الآخر بفضل الله بتاع الناس اللي مش متهرمنة
ده مش قصر ديل بس الواقعية مطلوبة في الأهداف عشان تقدر تحققها
الموضة بتاعة الإنجازات المبالغ فيها دي خلت الناس يتهيأ لهم إنهم ممكن كلهم في 10 ايام يستخدموا إيدهم الشمال زي اليمين أو يضربوا رقم مكون من 10000 خانة وأنا شايف إن ده من سياق عصر الهرمنة
صباح الفل يا صديقي
بص من الاخر
الكتاب مفيش اجمد منة
مكن المذاكرة التصويرية ماشي
لكن القراية القراية يعني كده
مفشي طبعا اجمد ولا امتع من الكتب
ولو كانت برديات تبقى امتع
:)
عارف انا اشوف المشكلةمش فى سرعة القراية
المهم والاهم بجد اننا نفهم ونعى جيدا ما نقرا
والا فليس للسرعة اهمية على الاطلاق
اذا لم نفهم ولا ايه
تصحيح
حودة
Please!
Send an email to the Brazil embassj your country and repor the injustice that the brazilian courts are making with this girl
Release on Flavia’s accident and status of the process.
The resignation is to stop the evolution. (David Santos in times without end)
Thank you
انا الحمد لله قرائتى سريعة جدا انا تقريبا بعدى ع السطر بكون قريته
بس للاسف جبت درجة وحشة فى الامتحان انا جبت 221 بس بس فيه عوامل كتير اثرت منها سوء ارضية الملعب وصوت الجماهير(احويا الصغير)
موضوع جامد فعلاً لكنه غير موضوعي
فكيف لأحد في راسه الاف من الهموم
مقيد الحريات
محبوس في وطنه ان يتعلم مثل هذه القراءة
هو فاضي
عقدتك
اعتذر
صاحب مدونة ميخا
عصفور المدينة
معرفش لية بفرح لما بلاقيك منور مدونتى وكمان كاتب تعليق والحمد لله انك جبت اخر سرعة والا ازاى كنت هتلف على المدونات اللى انت بتابعها
وحتة الوهم دى احنا شاركنا فيها
هو فعلا الواحد ممكن يحسن من قدراتة والقراة بالذات ممكن تبقى سريعة بس لازم يكون فى عوامل مساعدة
صح
ـــــــــــــ
أحمد سلامــه
بشكرك انك قلتلى يا صديقى
لان اللفظ دا بيقرب الناس من بعضها اوى
وسيبك بقى من البرديات
انا عندى العمود اللى كتب علية الاصمعى الشعر المشهور بتاع صفير البلبل
دا لو عايز
ـــــــــــــ
hana
منورة مدونتى
وفعلا اهم حاجة فى القراية ان الواحد يستفاد منها
عشان كدا كاتب فى الملف الشخصى بتاعى فى خانة الكتاب المفضل
ان مش مهم الكتاب المهم تستفاد منة
ـــــــــــــ
david santos
ربنا يسامحك على الشتيمة اللى بالانجليزى دى
وبعدين مدونتى مش مكان للدعاية
ومش كل مدونة تدخل فيها تعملك اعلان
ههههههههههه
ـــــــــــــ
mohamed
منور يا اخويا
اللى انا مخبية على كل الناس ان محمد دا اخويا
وكنت قاعد معاه وهو بيعمل الاختبار وكنت انا واخوة الصغير ـ اللى هو اخويا الصغير برضة ـ قالبين البيت ومش مخلين حد يعرف يعمل اى حاجة
شكرا يا اخويا على اول تعليق ليك فى مدونتى
ـــــــــــــ
الجمعاوي الاصيل
منورنا يا حج ميخا
وفعلا مفيش مصرى يقدر يعدى ال500 كلمة
لانة فعلا مش فاضى
انا شايف ياباشا
انى العبرة مش فى سرعة القراءة
اد مامهم احنا بنعرف احنا بنقرا ايه
تحياتى ليك ياباشا
وشوشني
طب والله كويس وبعدين خايف تقولنا يعني ولا ايه ؟هههههههه
بس ازاي يعني صفحتين في الثانيه
ده على اساس انه تصويريه يعني بيصور كل صفحه وخلاص
شكرا على الزيارة
حلوه حكايه
اللي صبحوا علي البوست
انا سعيد جدا بتشريفك مدونتي
ويا ريت تتكرر يا حوده
Post a Comment