2007/08/18

نقابة الاطباء وفلسطين والسلك اللى فى الحمام




كنا فى مؤتمر عن الانتفاضة الفلسطينية انا وابويا فى نقابة الاطباء


كان عندى وقتها حوالى 15سنة


ووصلنا متأخريين ولحسن حظنا كان فى فى الدور التانى شاشة عرض كبيرة وكانوا موصلين الجهاز بسلك فى فيشة الحمام


المهم قعدنا بتاع نص ساعة وقلت لابويا هروح ادخل الحمام وانا خارج من الحمام رجليا شدت السلك اللى فى الفيشة وشاشة العرض فصلت وكلة حاول يشغل الجهاز تانى ومحدش عرف يشغلة وكل الناس اللى فى الدور التانى كلها مشيت من غير ما تكمل المؤتمر




المهم انا بعترف النهاردة ان انا اللى عملت كدا لان مفيش حد عرف ان انا اللى عملت كدا ولا حتى ابويا

6 comments:

عصفور المدينة said...

عفا الله عنك
وانت طبعا ما كانش قصدك
لكن عندنا كما تعلم الاعتراف لا يسقط الذنوب في حالة الذنوب يعني طبعا دي مش ذنب بل هي التوبة النصوح ما تسقط الذنب
وإذا كان من حقوق العباد أن تستسمحهم

خبيب said...

ههههههههههههههههههههه
مش ممكن
يا راجل حرام عليك .. بجد بوظت المؤتمر كله ؟ :)
هههههههههههههههههههه
أنا متخيل الموقف وقاعد أضحك
ربنا يسامحك يا حاج

Marvel - واحد زهقان said...

هههههه

ويا ترى قلت للوالد ولا لسة!؟

محمود الدوح said...

عصفور المدينة

انا فعلا مكنش قصدى
ومتهيالى صعب ان استسمح للناس كلها
ولا اية


خبيب

مش المؤتمر كلة
دى الناس اللى جت متأخر
وبعدين هما اللى غلطانين
ازاى يجوا متأخر
وربنا يسامحنى


واحد زهقان

قلتلة وقالى ربنا يسامح

طال الليل said...

بوظت إيه.... المؤتمر
مش وقت زعل القضية لسة شغالة شد حيلك واستسمح فلسطين كلها بعمل من أجلها
ياعم غيرك بيحاول يبوظ فلسطين كلها وعشان محدش يفهمنى غلط أنا بس بفكر الناسى باللى مد إيده لليهود عشان كرسى قش برجل مسوسة
ربنا يوفقك وتحمل غلاستى

محمود الدوح said...

طال الليل

فعلا القضية لسة شغالة والواحد يشوف يقدر يعملهم اية