2007/06/12

بدور على فردة الشبشب التانية " فينك يا غاندى







قاعد بقالى فترة كبيرة جنب القضبان الحديد بتاعة المترو مستنى فردة الشبشب التانية اصل انا لقيت فردة شبشب النهاردة فى محطة السادات وفى لحظتها افتكرت "غاندى " لما رمى فردة الشبشب التانية من القطر



اصل غاندى فى مرة كان بيجرى ورا القطر عشان يركب واصحابة كانوا هناك فى القطر وبيحاولوا يطلعوة على القطر المهم وهما بيطلعوة فردة الشبشب وقعت منة فرمى الفردة التانية من القطر جنبها فلما اصحابة سالوة انت رميت الفردة التانية لية ؟؟؟



قالهم انا مش هستفاد من فردة واحدة واللى هيلاقى الفردة اللى وقعت مش هيستفاد منها فانا قولت احدفلة الفردة التانية عشان يستفاد منها .



ياترى الفردة اللى انا لقيتها النهاردة صاحبها هيرميلى الفردة التانية امتى؟؟؟؟؟.

2 comments:

باب البحر said...

لمحة ذكية و تعليمية .. جزاكم الله خيرا.

ذكرتني بحديث رسول الله ..عن أنس رضي الله عنه عن النبي صلى الله عليه وسلم قال: إن قامت الساعة وفي يد أحدكم فسيلة ، فإن استطاع أن لا تقوم حتى يغرسها ، فليغرسها .

فالغارس لن يستفيد شيئا من الغرس ، لكن طاعة لله و رسوله و رغبة في الثواب يغرسها.

محمود الدوح said...

شكرا باب البحر على الحديث الشريف
وفعلا الواحد لازم يبقى عندة حب الخير حتى لو مش لنفسة حتى لو مش لغيرة
المهم يكون خير
شكرا