2007/12/20

صدام " انا لسة فاكرك

الموضوع دا كتبتة من سنة بالظبط
كان يوم عيد الاضحى
وكنت ايامها _على ما اذكر_ بدون فى خدمة جيران
والنهاردة قررت انى اعي نشرة وعلى مدونتى الدائمة ان شاء الله
ــــــــــــــــــــــــــــــــــ




" الزمان : يوم العيد --- بعد صلاة العيد مباشرة
المكان : كل مكان فى الوطن العربى "


محمد : اهلااااااااا ازيك يا "على" ايه اخبارك كل سنه وانت طيب
على : وهبقى طيب ازاى
محمد : ايه ياعم مالك مسودها كدا ليه
على : ايه يابنى باين عليك مش عايش فى الدنيا ولا ايه
محمد : عايش والنهارده العيد والناس كلها فرحانه
على : باين عليك معرفتش
محمد : معرفتش ايه؟ انت يابنى مديها غوامق على الصبح ليه
على : هههههههههههههههههههههه
" ويستمر _على_ بالضحك بطريقه هستيريه "

محمد : بتضحك على ايه , ضحكنى معاك
على : عرفت اول اضحيه فى العيد كانت مين
محمد :!!!!!!!!!! ......... لا معرفتش
" يضحك على ضحكه اخرى مليئه بالدموع "

محمد : ايه يابنى مالك؟ يبنى انت كدا بتقلقنى عليك اتكلم فيه ايه
على : الرئيس "صدام"
محمد : ماله
على : أول اضحيه فى العيد
محمد : انت شكلك شارب ومدروخ
على : لأ والله فايق وعمرى ما هبقى فايق فى حياتى زى النهارده
محمد : انت من الصبح عمال تتكلم ب ألغاز ومش فاهم منك اى حاجه خاااااااااالص
على : الرئيس "صدام اتعدم"
محمد : يااااااااراجل انت بتتكلم جد
على : جد الجد
محمد : وامتى الكلام دا
على : النهارده الصبح
محمد : شكلك بتهزر
على : تعال معايا البيت
محمد : ليه
على : نتفرج على الاخبار
محمد : خلاص مسدقك , بس ليه وفين الحكام العرب
على : كل واحد منهم بيشرب قهوة ساده على روح صدام
محمد : حسبى الله ونعم الوكيل
على : لسه هتقول كل سنه وانت طيب
محمد : انا نفسى اقول كل حاجه فى نفسى نفسى ابعت رساله للرئيس "بوش"
على : يعنى هتقوله ايه
محمد :
"
الى رئيس العالم , أشكرك على اعدام العميل الخائن "صدام" وأتمنى منك كرئيس للعالم أن تقدم قربانا كل عام فى نفس اليوم الى ربك وهو أن تضحى بحاكم من حكام العرب "

تـــــمت

5 comments:

عصفور المدينة said...

كل عام وأنت بخير ولن تكون كل هذه الأضاحي من نفس النوعية السابقة

هشام اعبابو said...

شكرا اخي محمود على التعليق,زيارتك تشرفني و اهلا بكل اخ من أرض الكنانة و عيد مبارك سعيد و كل و مصر بألف خير...

Hkhbarcom said...

مدونتك أخي محمود جيدة,هذه التدوينة ذكرتني بما عشناه السنة الماضية بسبب إعدام الرئيس صدام حسين حيث تألمت الشعوب العربية ما عدا حكامنا و قضينا العيد في أجواء مليئة بالحزن و الأسى على إعدام رئيس دولة عربية كان لها شان بتلك الطريقة المهينة للعرب و جاصة للحكام العرب رحمه الله و عاشت الأمة العربية...

نـــــــازك الملائكـــــــة said...

..لاحول ولا قوة الا بالله
..ربنا يستر..
حضرتك بتقول فيها
الايام جاية كتير..
وياما هنشوف..
:(

doha said...

كل سنة وانت طيب يامحمود
انا فعلا كنت متوقع
انى هطلع من صلاة العيد
هلاقى حاكم عربى اتعدم
ماهو فعلا زى مانت قلت
بوش
رئيس العالم
كل سنة وانت طيب