عيد حب سعيد

اية هو مفهوم عيد الحب

كابل فقط

لا

المفهوم اعمق من كدا

نحب الصح

نحب دينا

نحب نبينا

نحب ربنا

نحب الخير

نحب نفسنا

نحب الناس

نحب كل حاجة حلوة

نحب التدوين

نحب اللى بنتعلمة

نحب نبقى احسن

نحب نغير فى بلدنا

نحب ونحب ونحب

المهم نحب

كل سنة وانتم طيبين مش بمناسبة عيد الحب

بمناسبة صفحة جديدة هنفتحها مع بعض النهاردة

موافقين

خيابة ما بعد الفوز

حفل الفوز بالكاس الافريقية كان اخيب مما تتصور

انا مشفتوش كلة

بس شفت سعد الصغير وهو بيغنى للاهلى

عو باين بيحسب اى فريق لابس احمر يبقى اهلى

وشفت واحد باين علية من الخليج

وشفت صور ناس خلايجة كتير متعلقة فوق الجماهير

كان فريق غير مصر اللى كان بيبلعب

وبعدين ملقيوش بنى ادم غير سعد اللى ميعرفش الفرق بين ال دو رى مى فا صو لا سى والصوت المحشرج اللى بيطلع من حنجرتة

على العموم اول ما الاقى صور على الموضوع دا هجيبها ان شاء الله

ـــــــــــ

تحديث

ـــــــــــ

انا معرفتش غير النهاردة الصبح ان الحفلة مكنتش فى مصر

وبعد الجملة دى مفيش تعليق

ابو تريكة يا فنان

فرحنا كمان وكمان

النت ونظرية المؤامرة والضغط على مصالح الاغنياء

النت بطئ جدا جدا جدا

الى درجة لا توصف

ودا بسيي انقطاع كابلين فى البحر المتوسط من اصل 3 كابلات بيوصلوا العالم العربى ببقية العالم

احنا ممكن نحسب الموضوع بنظرية المؤامرة ونقول ان دولة زى اسرائيل او امريكا عارفة ان الدول العربية كلها بتعرف اخبارها دلوقت من خلال النت وبتقضى مصالحها الخارجية بالنت وان فى ناس اتصلت بالغزاوين من خلال الكابلات دى تقوم قاطعة الكابلات دى يقوم العرب ينقطعوا عن العالم

ماعلينا من الكلام العبيط اللى فوق دا

خلينا فى الجد

بعد الخبر بتاع النقطاع الكابلات دى قامت الحكومة المصرية وعلى ما اظن ان حكومات عربية كتير قالت نفس الكلام وناشدت البنى ادمين انهم يبطلوا استخدام النت فى حاجات عبيطة زى الشات والداونلود والتصفح كمان وكل استخدامات النت ودا فى سبيل ان البورصة تشتغل هى والمطارات وجميع المصالح اللى بيستخدمها الاغنياء من ابناء هذا الوطن فقط .

طب انا عن نفسى ومع انى مش بعمل داونلود كتير الا انى قررت انى اعمل داونلود الايام دى علطول واعمل شات مع انى مش من انصارة واعمل كل حاجة تعكر صفو النت , الكلام دا مش نظرة طبقية لا والف لا بس انا بتكلم عن انهم مش بيوفرولنا اى حاجة خدمة نت زبالة الميتين 56 عاملة زى الدايل اب بالظبط والميجا عالملة زى ال256 يعنى كدا كدا احنا مش بنستخدم النت بالطريقة الصح يعنى بينصبوا علينا واحنا راضيين يقوموا لما يحتاجوا النت عايزين يخلونا نبطلة طب الشركة اللى انا موصل منها هتيجى اخر الشهر تقولى مش هناخد فلوس عشان انتم مكنتوش مستخدمين النت لو كان كدا ماشى .

على العموم والخصوص انا مقاطع مقاطعة النت .