بين ان يكون لاعبا فقط * او ان يكون انسانا * او الاثنان معا

بعد ان كتبت مقالا مطولا عن هذة اللقطة والتى عبرت وبقوة عن مشاعر الشعوب العربية الجالسون خلف كراسى المناصب
الا اننى قررت ان اضعها وحدها دون كلمة واحدة
هى ستعبر عن نفسها وعن صاحب الصورة
كل الشكر يا ابو تريكة

قناة الجزيرة افلام

" رئيس دولة عربية يشاهد تلفزيونة ويشاهد قناة –الجزيرة أفلام – وعلى ما يبدو يشاهد فيلم رعب فقد فتح فاه عن اخرة وجحظت عيناة ويبدو علية الخوف والفزع بينما يدخل اعلى واحد فى مجلس الوزارء لدولتة وانضف واحد فيها ويبدو انة مرتبك قليلا "

الوزير : شفت اللى حصل يا ريس
الرئيس : استنى هخلص الفيلم وبعدين احكيلى
الوزير : دا موضوع مهم جدا جدا
الرئيس : اهم منى يعنى ولا من ابنى
الوزير : لأ طبعا , بس موضوع يخص ناس كتير وانت الوحيد اللى ممكن تعملة
الرئيس : قول وخلص دا انت رغاى
الوزير : شفت الاخبار فى التلفزيون النهاردة
الرئيس : لا مشفتش
الوزير : امال معاليك مشغل قناة الجزيرة الاخبارية لية ؟
الرئيس : ياراجل وانا كل دا بحسب دا فيلم رعب شغال على الجزيرة افلام
الوزير : مفيش قناة اسمها الجزيرة افلام دى قنوات اخبارية وجايبين اخبار الصبح من غزة بتقول انهم قاطعين عنها امدادات الكهربا
الرئيس : اه انا كنت شايف ضلمة وكل شوية الاقى الدنيا ولعت واطفال صغيرة ميتة ونسوان كبيرة بيموتوا ورجالة ماسكين شمع
الوزير : معاليك كل دا حصل حقيقى فى غزة
الرئيس : يا عينى صعبانين عليا بتوع غزة دول
الوزير : طب والعمل
الرئيس : طب وانا مالى
الوزير : مالك ازاى يا فندم دا الفلسطينين بيستنجدوا بمعاليك وهما متأكدين ان مفيش حد غيرك هينقذهم
الرئيس : طب هعملهم اية
الوزير : مش عارف بس لازم تتصرف
الرئيس : طب غور من وشى دلوقت قرفتنى على الصبح
الوزير : حاضر يا فندم

" ينصرف الوزير بينما يمسك الرئيس موبايلة ويقلب فى الارقام المحفوظة على الشريحة لحد ما تستقر عينية على رقم مكتوب جنبة حبيب قلبى ويضغط اتصال ويفتح الخط من الجهة الاخرى على صوت رجل بيقول شالوم "

الرئيس : شالوم يا حبيب قلبى عامل اية
الرقم : مين معايا حضرتك
الرئيس : انت مش مسجل رقمى ولا اية ؛ اخص عليك
الرقم : معلش اصل الموبايل اتسرق والارقام ضاعت ومعرفتش اجيبها
الرئيس : يا راجل مين يستجرى ويسرق موبايلك
الرقم : دى كانت عملية انتحارية من حركة حماس
الرئيس : ولاد اللذينة
الرقم : انت هتصاحبنى ؛ انت مين ؟
الرئيس : انا الريس متقال
الرقم : اهلا ازيك عامل يا بن الكلب
الرئيس : الحمد لله اخبارك انت اية يا اولمرت
اولمرت : تمام , اية بتتصل لية ؟ فى حاجة ضرورى ؟
الرئيس : لا ابدا كنت عايز اكلمك انك تخفف الحصار شوية عن غزة
اولمرت : بقولك لسة سارقين الموبايل وعايزنى اسامحهم
الرئيس : معلش عشان خاطرى
اولمرت : عشان خاطرك اعمل اى حاجة الا انى اعفى عنهم
الرئيس : يا عم ان كان على التلفون انا ممكن اجيبهولك لكن الشريحة مش هقدر اجيبهالك
اولمرت : يا عم انا هفضل حابسهم ومزنبهم ومخليهم رافعين ايديهم ووشهم للحيط لحد ما يقولوا مين اللى اخد الموبايل
الرئيس : طب افرض اللى سرق الموبايل مش منهم
اولمرت : انت بتكدبنى وتسدقهم
الرئيس : هو انا اقدر انا بهزر
اولمرت : نهايتة ؛ عايز اية ؟
الرئيس : زى ما قلتلك خفف الحصار شوية
اولمرت : سيبنى افكر سنتين
الرئيس : مش كتير سنتين
اولمرت : ما انا لازم احسبها كويس
الرئيس : معاك حق برضة ؛ بس انت كدا هتخلى شكلى وحش قدام شعبى والشعب العربى
اولمرت : هو من امتى وانت بيهمك شعبك انت هتشتغلنى
الرئيس : معاك حق بس لازم برضة احسن صورتى شوية عشان الميراث اللى هسيبة للنوس عينى محدش يبصلة فية
اولمرت : معاك حق برضة ؛ هفكر فى اسرع وقت
الرئيس : يبقى سجل الرقم بقى ؛ اوك ؛ على ميزدات بقى ؛ شالوم

" الرئيس ينادى على الوزير اللى كان معاة من شوية وقعد يحكيلة اللى حصل بينة وبين اولمرت وبيسألة عن راية "

الوزير : بص ياباشا اولمرت كل مرة بيسوحنا ؛ انت ممكن تكلم ح غيرة
الرئيس : فكرك اكلم مين تانى
الوزير : شوف باراك كدا

" الرئيس يقلب فى الارقام المسجلة على شريحة تلفونة ويصل الى رقم مكتوب امامة الوحش ويتصل "

الرئيس للوزير : مشغول
الوزير : اطلبة تانى
الرئيس متحدثا فى التلفون : اية ياباراك برن عليك من بدرى بس كان مشغول
باراك : كنت بكلم المزة
الرئيس : مزة جديدة طبعا ؛ حكم انت كل يوميين بتغير المزة
باراك : لا دى بقالها مدة بظبط معاها وشكلى وقعت وناوى اتجوز
الرئيس : مفيش احلى من الجواز خاصة لو جبت واد كدة قوى قمور عشان يورثك بالحيا
باراك : لا يا عم انا هخلص وقتى وبعدين مش هيبقى ليا دعوة بالسياسة
الرئيس : المهم
باراك : اية يا حبيب قلبى
الرئيس : عايزكوا تخفوا الحصار شوية عن غزة
باراك : مش هينفع
الرئيس : اسمعنى يعنى
باراك : دول سرقوا موبايل اولمرت
الرئيس : اه ما انا عرفت
باراك : طب هسألك سؤال ؛ لو حد من شعبك سرق موبايلك هتعمل فية اية ؟
الرئيس : مش عارف ساعتها هعمل اية ؛ ممكن اطبخة واكلة بسنانى او ارمية للكلاب لو لحمة مر او اودية فى رحلة فضائية " وراء الشمس "
باراك : اديك قولتها بنفسك
الرئيس : معلش خففوه شوية عشان خاطر اغلى حاجة عندكم
باراك : لولا حلفتنى بالغالى
الرئيس : شكرا يابرنس ؛ تؤمرنى بحاجة دلوقت ؟
باراك : لا شكرا ؛ بس خليك فاكر انا موعدتكش " ويغلق الخط فى وجة الرئيس "

" وفى اليوم التالى دخلت غزة نصف احتياجاتها من الغاز لتشغيل محطات الكهرباء وفى نفس ذات اللحظة فى دولة الرئيس الصحف القومية والتلفزيون الحكومى يمجد تلفون الرئيس "

دعوة لمسيرة الى غزة

من مدونة الصارم الحاسم
ـــــــــــــــــــــــــــ

منذ ساعتين تقريبا اظلمت غزة


بما ان الدول العربية اكبر مصدر للبترول عاجزة عن توفير وقود لغزة


يبقى التحرك الشعبي

مش بقول انكم هتلاقوني واقف بكرة عند كوبري الفردان.....الموضوع ده لن ينجح الا بالعدد


دعوة لمسيرة الى غزة...بأكبر عدد ممكن...مليون على الأقل ....وخليهم يحطوا الجيش كله في المواجهة


الدعوة دي ممكن تبقى مجرد هلوسة من الغضب على النت..... لانها مجرد دعوة ...ومن شخص ومجهول......لكن ان انتشرت فقد تحدث فارق...بإذن الله


على الأقل قد تصبح عامل ضغط على الحكومات العربية والاسلامية..... والحكومة المصرية بالذات صاحبة المعبر الوحيد ذو السيطرة العربية المسلمة الى غزة


قد تدفعهم الى ايجاد حل تجنبا لمواجهة الضغط الشعبي الداخلي الذي يهدد بحل عملي


فإن لم يحدث نكون فعلا عازمين على هذا الحل...ونكون اعذرنا انفسنا امام الله ثم امام انفسنا


انشروها لوجه الله كفكرة عامة........ عازمين على تنفيذها جميعا ان شاء الله




انشروها يرحمكم الله

ساندوا غزة لفك الحصار

ممكن تركزوا فى الصورة اللى فاتت دى

دى مش صورة واحد صورها بالليل والدنيا ضلمة

دى صورة لغزة بعد انقطاع التيار الكهربى

غزة من غير كهرباء

من غير دواء

من غير حد يقف جنبها

من غير اى حاجة

مصر الوحيدة اللى ممكن تعمل كل حاجة لغزة

هى الوحيدة اللى تقدر

لية نقعد ساكتين وراضين

لازم نتكلم

ننظم مظاهرة

اعتصام

ناخد باص ونوصل لرفح زى ما فى ناس عملة

نعمل اى حاجة

المهم نساعدهم

منبقاش سلبين

ياسلبين

ابكوا يا عرب

من مدونة نضال بعض الصور لمجزرة يوم 19/1/2008
ممكن تشوفوا بقيت الصور على مدونة نضال

مقتطفات من امتحان اللغة العربية للشهادة الاعدادية بالجيزة - بدون تعليق

التعبير :
(ب) ] اجبارى[ : " من ابرز سمات الشعب المصرى الرباط القوى بين جميع طوائفه , ذلك الرباط الذى جعل العلاقة بين افراده تجاوز حدود كل شئ , وهى علاقة يمكن ان تخفى على الرائى , فى فترات الحياة العادية , لكنها تشتد ظهورا وقت الشدائد والمحن , وكلما قويت المحنة عملت على اظهار معدن هذا الشعب واصالتة , وقد اكدت الاديان السماوية اللدعوة الى الاخوة والمحبة .
فأكرم بشعب اصيل جعل شعارة ؛ الدين لله والوطن للجميع ؛ "
لخص الفقرة السابقة فى نصف حجمها محافظا على علامات الترقيم . ثم ضع لها عنوانا مناسبا .

النحو :
"فى (29)من اكتوبر الماضى , وسط حفل مهيب , اعلن الرئيس مبارك قرارة ؛ الاستراتيجى ؛ بدخول مصر عصر الطاقة النووية , وقبل ذلك بأيام قلائل كانت احتفالات مصر بمرور (5) سنوات على انشاء مكتبة الاسكندرية , وبذكرى انتصار اكتوبر المجيد , فما اروع ختام احتفالات اكتوبر جميعها بقرار يقضى ببدء برنامج لبناء عدد من المحطات النووية.
ينقل مصر مع قائدها الى مجال حيوى نحو التقدم والبناء , وتلك خطوة " استراتيجية " فى تاريخ مصر الحديث . "

س2
2- كم من قرار لقائد مصر سما وارتقى بها !
استبدل " كم الخبرية " ب " كم الاستفهامية " وغير ما يلزم .
4 – ألا يعد هذا القرار خطوة " استراتيجية " فى تاريخ مصر الحديث ؟
اجب بالاثبات .

انتهت الاسئلة مع التمنيات بالتوفيق

عن كتاب "كابنتن مصر"لعمر طاهر

اشتريت الكتاب امبارح هو صحيح لسة مكملتوش بس فضلت اقرا فية وانا تعبان وعايز انام ومجهد جدا بعد ما قررت انى اروح امبارح الوقفة الرافضة لزيارة بوش لمصر على سلم نقابة الصحفيين والمشكلة ان يوم الاتنين دا بيبقى عندى كورس فى وسط البلد المهم قلت اركب عربية تطلع بينا على الدائرى وفى اقل من نص ساعة هكون فى وسط البلد المهم كانت الساعة وقتها اربعة ونص وركبت من مشعل وكان معايا واحد صاحبى فبقلة عايز افك الاتنين يورو اللى معايا اللى كنت واخدهم من واحد صاحبنا المهم واحد كان معانا فى العربية قالى هات اغيرهملك وباين كان شغال فى السياحة وادانى 15 جنية بدل الاتنين يورو وانا مكنش يفرق معايا لو كان ادانى 10 جنية لان الفلوس دى كانت فى جيبى ملهاش اى لازمة المهم وصلت التحرير الساعة سبعة ونص اه سبعة ونص متفكرنيش بهزر يعنى 3 ساعات يعنى انا لو ركبت من موقف الصباح عربية لاسكندرية كنت وصلت المهم رحت هناك ظنيت ان وقت الوقفة الاحتجاجية خلص ووقت الكورس كمان خلص يعنى ضربت عصفوريين بحجر واحد ههههههههههه المهم قعدت على قهوة زهرة البستان شوية انا وصاحبى اللى كان معايا وقلتلة استنى خمس دقايق انا جاى تانى بسرعة خرجت وتوجهت مباشرة الى مكتبة عمر بووك ستورز ودخلت جوة جبت كتاب "كابتن مصر " وخرجت برة وكان سعرة بعد الخصم 15 جنية اللى هما تمن الاتنين يورو ودا اللى انا كنت بفكر فية ان انا معايا فلوس مكنش ليها لازمة ولما بقى ليها ممكن استفاد منها واشترى كتاب انا عايزة المهم يمكن اكون اشتريت الكتاب دا لانى كنت عايز اشترية بعد ما قريت كتاب " شكلها باظت " لنفس الكاتب ولانة عجبنى اسلوبة قررت انى اشترية رجعت البيت الساعة اتناشر بعد يوم مرهق وملوش اى فايدة غير الكتاب اللى فى ايدى ودخلت غيرت واكل وبصيت على الميل بتاعى كانت الساعة واحدة ونص كانت عينية قفلت خالص دخلت الاوضة قعدت على السرير مسكت كتاب عمر طاهر ونمت وانا ماسكة ومش قادر اسيبة بجد ضحكت ضحك امبارح من الكتاب مش قادر اقولكم قد اية نمت والكتاب فى ايدى ودى من المرات القليلة اللى ممكن اقرا اساسا قبل ما انام

المهم الكتاب حلو جدا انصحكم تشتروة

التقويم الهجرى

بدء التقويم الهجرى فى عصر الخليفة عمر بن الخطاب رضى الله عنة بعد 16 عاما من حادثة الهجرة وكان العرب قبل ذلك يعرفون التواريخ بحوادث معينة مثل حادثة الفيل .
مثال انهم كانوا يقولون ان فلانا ولد قبل عام الفيل بعام او بعدها بعامين.
وكانوا العام 12 شهرا وكل التقاويم فى الدنيا كانت 12 شهر وفى ذلك حكمة من الله والتى ذكرها فى كتابة العزيز فى الاية رقم 36 من سورة التوبة : إِنَّ عِدَّةَ الشُّهُورِ عِنْدَ اللَّهِ اثْنَا عَشَرَ شَهْرًا فِي كِتَابِ اللَّهِ يَوْمَ خَلَقَ السَّمَاوَاتِ وَالْأَرْضَ مِنْهَا أَرْبَعَةٌ حُرُمٌ ذَلِكَ الدِّينُ الْقَيِّمُ فَلَا تَظْلِمُوا فِيهِنَّ أَنْفُسَكُمْ وَقَاتِلُوا الْمُشْرِكِينَ كَافَّةً كَمَا يُقَاتِلُونَكُمْ كَافَّةً وَاعْلَمُوا أَنَّ اللَّهَ مَعَ الْمُتَّقِينَ .
وكان العرب قبل الاسلام اذا جاء عليهم شهر من الاشهر الحرم وهم يتقاتلون كانوا يؤخرون بداية الشهر وكان يسمى بالنسئ وقد حرمة الله فى الاية 37 من نفس السوة : ‏‏إِنَّمَا النَّسِيءُ زِيَادَةٌ فِي الْكُفْرِ يُضَلُّ بِهِ الَّذِينَ كَفَرُوا يُحِلُّونَهُ عَامًا وَيُحَرِّمُونَهُ عَامًا لِيُوَاطِئُوا عِدَّةَ مَا حَرَّمَ اللَّهُ فَيُحِلُّوا مَا حَرَّمَ اللَّهُ زُيِّنَ لَهُمْ سُوءُ أَعْمَالِهِمْ وَاللَّهُ لَا يَهْدِي الْقَوْمَ الْكَافِرِينَ .
وكان حادث الهجرة اهم الحوادث التاريخية بالنسبة للمسلمين ليبدؤا به التاريخ الاسلامى ويتكون العام الهجري ( الإسلامي ) من اثنى عشر شهراً قمرياً وهي بالترتيب :المحرم - صفر - ربيع الأول - ربيع الآخر - جمادى الأولى - جمادى الآخرة - رجب - شعبان - رمضان - شوال - ذو القعدة - ذو الحجة.
وكان المسلمين فى بداية التقويم الهجرى لا يرقمون الاعوام بل كانوا يسمونها بأسماء ارتبطت ارتباطا وثيقا بذلك العام .
امثلة على ذلك :
كانت السنة الاولى تسمى بعام الاذن اى الاذن بالهجرة
والعام العاشر بعام الوداع وذلك نسبة الى حجة الوداع ووفاة الرسول الكريم صلى الله علية وسلم

كل عام هجرى واحنا بخير

طبعا كلنا عارفين ان النهاردة كان اول يوم فى السنة الهجرية الجديدة

طب لية مهنناش بعض زى راس السنة الميلادية

ولا احنا بننسى

يا جماعة انا بس بفكركم بالسنة الهجرية

الموضوع اللى جاى عن التقويم الهجرى ان شاء الله

اعلان مجانى لدار الكتب

ِ
شاب مصري جدا......

.... 25 سنة...

..حلم...فكر...نفذ...

و الحلم تحقق....

دار الكتب

طريقة مبتكرة للتشجيع على القراءة...و نظام بسيط لتوثيق الكتب و الجمع بين دور النشر و المكتبات في موقع واحد

الكل هيقرأ

يلا نحتفل مع مصطفى و نشاركه حقيقة حلمه و فرحته بدار الكتب

يوم الخميس 10-1-2008
في مكتبة البلد-ميدان التحرير -امام الجامعة الامريكية-31 شارع محمد محمود
الساعة السادسة مساءا





مبروك يا مصطفى
مبروك يا صاحب البوابة

انتظروا بلوجر باللغة العربية ان شاء الله

حاجة غريبة جدا واول مرة تحصل معايا

النهاردة كنت داخل على مدونة ولقيت الصفحة الغريبة دى

الغريب فى الصفحة انها بالعربى

انا معرفش دا خطأ من بلوجر

ولا اية بالظبط

لكن انا اتوقع ان بلوجر هيدعم العربى قريب

وهتقولوا محمود قال

استفزاز

من قترة وان بتابع مدونة انا حرة لصاحبتها ياسمين وكنت لما بدخل على التعليقات كنت بلاقى واحد مسمى نفسة جزافا " واحد من الناس التانية " وفضل يقولها انا عايز اتجوزك

انا مش عارف انا لو كنت بنت كنت هرد علية ازاى ولو مكنتش هرد علية من اصلة

المهم هى كانت بترد فى هدوء وفى حدود ودا اللى انا كنت شايفة

ــــــــــــــــــــــــــــــــــــــــــــــــــ

فكرنى الموضوع دا بالموضوع اللى كنت كاتبة عن صندوق الشات بوكس اللى انا مش بحبة

ــــــــــــــــــــــــــــــــــــــــــــــــــ

والموضوعيين خلونى اتكلم عن ناس مستفزة بعينها

يعنى واحد يدخل يعلق وميكتبش اى شئ يخص التدوينة او المدونة

يدخل على المدونات المشهورة ويكتب اى كلام فى اى حاجة واهو ساب لينك عشان الناس تزورة

واحد يدخل مدونة متعجبوش يشخبط فى الشات بوكس

يكتب تعليق يشتم صاحب المدونة

زى بالظبط من يومين كنت فى مدونة واحد اخوان وقريت تعليق لواحد معرفش انتماءة اية لكن لقيت التعليقات مابينهم خرجت عن حدود المعقول وصلت لدرجة توصف بيها نقاشهم بانة لعب عيال

لية ميبقاش عندنا اخلاق نتحلى بيها فى اى مكان سواء كنا فى عالم افتراضى او حقيقى

لية عشان على النت محدش يعرف شكلنا ولا حد هيعرف يجيبنا نعمل اى حاجة حتى لو هنضرة

ــــــــــــــــــــــــــــــــــــــــــــــــــ

الموضوع دا مش اكتر من فضفضة

اولى القبلتين

لماذا التخاذل يا حكامنا العرب

لماذا التخاذل يا شعبنا العربى

اهو ذل اخذنا علية

ام مذلة امسكوها علينا

لماذا لا نخرجهم

اهى ارضهم ام ارضنا

اتنتظرون ان يأتى صلاح الدين من جديد

لا تنتظروا صلاح

فلن يأتى ونحن نتفرج علية

فلابد ان يخرج منا

لابد ان نحركة بداخلنا

صلاح موجود فينا

مهما كان من يكمم افواهنا

فانة فينا

خارج لا محالة

انا لن انتظرة ليأتى

ساحركة داخلى وداخلكم

لا تنتظروا صلاح

اصنعوة من انفسكم

الاقصى ينتظرنا جميعا

جميعنا عندما نصبح فى قوة صلاح

حررها من ايد من هم انجس من هؤلاء

هل حان الوقت لنصبح مثلة

ان نصبح وهو جزء منا

هل هما اعتى واشرس من من سبقوهم

هل هم مثل من صنعوا من علمنا معبرا على الفرات

لا تنتظروا صلاح

فلن يأتى دونكم

اجعلوا من ابناءكم صلاح جديد

اغرسوا فيهم نورة

ليشع العالم من جديد بنوره

لا تنتظروا صلاح

فهو فى انتظاركم هناك

انتم من ستذهبون الية

ليس هو من سيأتى

لا تنتظروا صلاح